Luka 3:13 - Tonga Bible 1986

¹³ Ndipo iyo wanguti kwaku wo, “Mungataruliyangako kanthu kakuruska ko kalangulikiya imwe.”

Luka 3:13 ပူးပေါင်းရင်းမြစ်များ

Sumu 18:23

Paurongo pake ndenga wambura kalema, ndingujisunga ku kwananga.

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Mateyu 7:12

Viyo vyose vyo mungakhumba kuti ŵanthu ŵachitiye imwe, namwe so muchitiye iwo kwakulingana: chifukwa chenichi nchilangulu cho ndi ŵamchimiwo.

Luka 19:8

Kweni Zakeyu wanguma, wanguti ku Mbuya, “Awonani Ambuya, chigaŵa cha viŵetu vyangu ndiŵapaska ŵakavu; ndipo asani ndamuphanga yumoza kanthu, ndimwerezgiyapo kanayi.”

Luka 3:12

Ndipo ŵamsonkhu nawo ŵanguza kwachibatizika, ndipo ŵanguti kwaku iyo, “Msambizgi, tikachitanga chine?”

Luka 3:14

Ndipo ŵamfumbanga ŵankhondo nawo, ŵakuti, “Nafwe so tikachitanga chine?” Ndipo wanguŵanene, “Mungenjezganga yumoza cha, chingana nkhumwatiya; ndipo mukorokenge ndi mphoto zinu.”

1 ŴaKorinte 6:10

chingana mbakupoka, chingana mbachipanira, kuti ŵakaharanga ufumu waku Chiuta cha.

ŴaEfeso 4:28

Wakuba yo wangawerezgapo kuba so cha: kweni ukongwa watakatake, ndi kutataliya ndi manja ghake cho nchamampha, alinga kuti waparauliye yo ngwakusawuka.

ŴaHebere 12:1

Viyo nadi ifwe nafwe pakuzungurizgika ndi mtambo weniukuru waviyo waŵakaboni, ndi pakututumika chizitu chose ndi ulakwi wo utitizombezga tichimbiye ndi chitatata maphara gho ghatimikikiya kunthazi,