Luka 24:47 - Tonga Bible 1986

⁴⁷ ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Luka 24:47 ပူးပေါင်းရင်းမြစ်များ

Chiyambo 12:3

Ndikatumbikanga wo ŵatukutumbika, ndipo yo wakutemba iwe ndikamutembanga; ndipo mwaku iwe mbumba zose zamu charu zikatumbikikanga.”

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

Sumu 67:7

Chiuta watitumbika; ndipo ŵanthu wose kosekose ŵamutumbike.

Sumu 86:9

Mitundu yose yo imwe kukulenga yikazanga ndi kugwada paurongo pinu, Ambuya, ndipo ŵakankhuskenge zina linu.

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Yesaya 49:22

Viyo atiti Ambuya Chiuta: “Ehe, ndikasoskiyanga janja langu ku mitundu, ndi kusoska mbendera yangu ku ŵanthu; ndipo wakazanga ndi ŵana ŵako ŵanthurumi mu vifuwa vyawo, ŵana ŵako ŵanthukazi ŵakanyamulikanga pa mapheŵa ghawo.

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yesaya 5:4

Kumbi mphanyi ndinguchita chine chinyake ndi munda wangu wa mphereska, cho ndengavi kuchita mwakuwo? Penipo ndinguwulereze kuti ukapasanga vipasi, chifukwa chine ungupasa vikorakora?

Yesaya 52:10

Ambuya arongo pakweru janja lawo pa maso gha mitundu yose; ndipo vigoti vyose vya charu chapasi vikawonanga utaski waku Chiuta widu.

Yesaya 52:15

viyo ndimu wachuruskiyenge mitundu yinandi; ŵakaronga ŵakasunamanga milomo yawo chifukwa chaku iyo, pakuti cho chengavi kutaulikiya iwo ŵakachiwonanga, ndipo chenicho ŵengavi kuchivwa ŵakawangamo.

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Hoseya 2:23

ndipo nkhamupandanga mu charu chifukwa chaku ndamweni. Ndipo nkhaŵanga ndi lisungu paku yo ‘Wambura kuchitikiya lisungu,’ ndipo nditinge ku ŵanthu ŵangu cha. ‘Ndimwe ŵanthu ŵangu’; ndipo iyo watinge, ‘Imwe mwe Chiuta wangu.’ ”

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Mateyu 3:2

“Ng'anamukani; chifukwa waŵandika ufumu wa kuchanya.”

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Luka 13:34

Yerusalemu, Yerusalemu, wakubaya ŵamchimi wo, ndi wakupong'a mya wo ŵatumika kwako! Karinga ndingukhumba kuwungang'a pamoza ŵana ŵako, nge ndimo nyakhutu wachitiya ŵana ŵake kusi ku mapapiku ghake, ndipo kuti mungukhumba cha.

Machitidu gha Ŵakutumika 10:43

Kwaku mweniyo ŵamchimi wose ŵasimikizgiya, kuti yose wakuvwana mwaku iyo warondenge mu zina lake chireke cha vilakwa.”

Machitidu gha Ŵakutumika 11:18

Ndipo ŵachivwa vyenivi, ŵanguchetama, ndipo ŵangumkankhuska Chiuta ŵakuti, “Ndipo ku ŵaMitundu nawo Chiuta wapaska ching'anamuka cha mu mtima ku umoyo.”

Machitidu gha Ŵakutumika 13:46

Kweni Paulo ndi Barnaba ŵangugangiya, kuti “Kungwenere kuti mazu ghaku Chiuta ghakambike danga kwaku imwe. Kweni imwe mutighapata ndipo mujesa ŵambura kwenere umoyo wo wamuyaya, awonani, ting'anamukiya ku Mitundu yo.

Machitidu gha Ŵakutumika 2:38

Ndipo Petro wanguti kwaku wo, “Ng'anamukani, ndipo munthu yose waku imwe wabatizikiye mu zina laku Yesu Kristu ku chireke cha vilakwa vinu; ndipo mukarondanga mpasku wa Mzimu Wakupaturika.

Machitidu gha Ŵakutumika 20:21

wakusimikizgiya ŵaYuda ndi so ŵaGriki ching'anamuka kwaku Chiuta, ndi chivwanu kuchiri ku Ambuyafwe Yesu Kristu.

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Machitidu gha Ŵakutumika 26:20

kweni ku ŵamu Damasko danga, ndi so ku ŵamu Yerusalemu, ndimu charu chose chaku Yuda, ndi ku mitundu, ndingugozga evangeli, kuti ŵang'anamuke mu mtima, ndi ŵang'anamukiye kwaku Chiuta, ndi kuteŵeta milimu yo njakwenere ching'anamuka.

Machitidu gha Ŵakutumika 28:28

“Viyo kuziŵikwe kwaku imwe, kuti ku Mitundu utaski uwu waku Chiuta utumika: iwo nawo ŵavwenge.” [

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

Machitidu gha Ŵakutumika 4:12

Ndipo kuti mwe utaski mu munyake cha, chifukwa chingana nkhuti kwe zina lamwenga cha pasi pa kuchanya, lakupaskika mu ŵanthu, mwaku lenilo tingataskikiya.”

Machitidu gha Ŵakutumika 5:31

Mweniyo Chiuta wamkwezge ku marghe ghake, Chirongozgi ndi Mtaski, kwachipaska Yisraele chipe ndi chireke cha vilakwa.

ŴaRoma 5:20

Ndipo chilangulu chingusere kurwandi, kuti kuzare kulakwa; kweni po ulakwi unguzara, wezi wo ungufurwiyapo:

ŴaEfeso 1:6

kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo.

ŴaEfeso 3:8

Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu;

ŴaKolose 1:27

Kwaku ŵeniwo Chiuta wangukhumba kuvumburiya cho mbusambasi wa unkhankhu wa mangari gho mu ŵaMitundu, ghenigho mwaku imwe ndi Kristu, chigomekezgu cha unkhankhu.

1 Yohane 2:12

Ndikulembiyani, mwatwana twangu, chifukwa vilakwa vinu vyarekeke imwe pa chifwa cha zina lake.