Luka 23:4 - Tonga Bible 1986

⁴ Ndipo Pilato wanguti ku ŵazukuru ŵara ndi ku mizinda, “Kuti ndisaniya cha kafukwa mu munthu mwenuyu.”

Luka 23:4 ပူးပေါင်းရင်းမြစ်များ

Mateyu 27:19

Kweni wachija iyo pa chakweruzgiyapo, muwoli wake wangumutumiya mazu, wakuti, “Uŵevi kanthu ndi murunji mweniyo; chifukwa le mu lotu ndakomwiyapo vinandi pa chifwa chake.”

Marko 15:14

Pilato wangunena nawo, “Kwati, wachita chiheni chakutunji?” Kweni iwo ŵangukambura ukongwa, “Mpayike!”

Luka 23:22

Ndipo kachitatu wanguti kwaku wo, “Chifukwa chine; wachita chiheni uli uyu? Ndirive kusaniya mwake kafukwa ka nyifwa: viyo nditakuti ndamkwechuwa, ndimfwatuwenge.”

Yohane 18:38

Wangumfumba Pilato, “Ngune uneneska?” Ndipo wachikamba chenichi Pilato wangutuliya so ku ŵaYuda, wanguŵanene, “Ine ndirive kusaniya kufakwa kose mwaku iyo.

Machitidu gha Ŵakutumika 25:25

Kweni ndingusaniya kuti wengavi iyo kuchita kanthu kakwenere nyifwa: ndipo po mweneko wangujipazgiya mphara yaku Augusto, ndingupimakumtuma.

Machitidu gha Ŵakutumika 3:13

Chiuta iyo waku Abrahamu, ndi waku Yisaki, ndi waku Yakobe, Chiuta yo wa auskefwe, wamkankhuska Mwana wake Yesu, mweniyo imwe mungukombo ndi mungukana paku Pilato, wachidumuwa yuwa kuti wamfwatuwe.

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

1 Petro 1:19

kweni ndi ndopa zakuzirwa, uli za mwanamberere wambura kalema ndi wambura banga, ndopa nazo zaku Kristu:

1 Petro 2:22

Iyo wengavi kuchita chilakwa, chingana nkhuti lingusanirika fuvyu mu mlomo wake cha;

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;