Luka 23:34 - Tonga Bible 1986

³⁴ Ndipo Yesu wanguti, “Ada, ŵarekeni chifukwa kuti ŵaziŵa cha cho ŵachita.” Ndipo pakugaŵana minjirira yake, ŵangupong'a mphenduzga.

Luka 23:34 ပူးပေါင်းရင်းမြစ်များ

Chiyambo 50:17

‘Mukambe kwaku Yosefe, Gowoke, nditukupempha, maulakwi gha ŵana ŵanyako ndi uheni wawo, chifukwa ŵangukuchitiya uheni’. Ndipo sono tipempha ugowoke ulakwi wa ŵaŵanda ŵaku Chiuta wa ausu.” Yosefe wanguliya penipo ŵangukamba nayo.

Sumu 22:18

ŵagaŵizgana minjirira yangu, ndipo pa chivwaru changu ŵapong'a mphenduzga.

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Mateyu 11:26

Inya, Ada, pakuti viyo ndimu kunguwoneke umampha mu maso ghinu.

Mateyu 5:44

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe,

Marko 15:24

Wangumpayika, ndipo ŵangugaŵana minjirira yake pakuchita mphenduzga mwakuti ŵapanikizge cho yumoza ndi yumoza wangato.

Luka 22:42

“Ada, asani mukhumba, mutuzgeko kwangu nkhombo iyi: kweni khumbu langu cha, kweni linu, lichitike.” [

Yohane 17:9

Ine ndarombe iwo; kuti ndirombe charu cha, kweni ŵeniwo mwandipaska; pakuti mbinu,

Yohane 19:11

Yesu wangumwamuka, “Kuti ungaziŵa kuŵa ndi mtufu kose paku ine cha, kwambura kuti wapaskika kwako kutuwa kuchanya: chifukwa chenichi wakundikombole kwaku iwe we nawo ulakwi ukuru kwakuruska.”

Machitidu gha Ŵakutumika 16:28

Kweni Paulo wangukambura ndi liu likuru, wakuti, “Ungajichitiya kaheni kose cha: chifukwa tose te muno.”

Machitidu gha Ŵakutumika 3:17

“Ndipo sono, mwa ŵabali, ndaziŵa kuti munguchita cho mu ujira, ulindimo ŵanguchitiya ŵaraŵara ŵinu nawo.

Machitidu gha Ŵakutumika 7:60

Ndipo pakupeta makongonu, wangukambura ndi liu likuru, “Ambuya, mungaŵaŵikiya ulakwi uwu cha.” Ndipo wanguti wakamba ichi, wangura.

ŴaRoma 12:14

Ŵatumbikeni ŵeniwo ŵakuŵembani; tumbikani, ndi mungatemba cha.

1 ŴaKorinte 2:8

Zeru yeniyo wengavi kuyiziŵa nanga njumoza wa ŵakuwusa ŵa mgonezi uwu: chifukwa asani ŵanguyiziŵa, mphanyi ŵengavi kuŵapayika Ambuya ŵa unkhankhu.

1 ŴaKorinte 4:12

titakataka ndi manja ghaku taŵeni. Po titokoskeka, ifwe titumbika; po tiŵembeka, ifwe tikunthiyapo;

1 Timote 1:13

ine ndawakuŵa kali mtokota ndi wakuŵemba ndi wamtonyoru: kweni ndinguchitikiya lisungu, pakuti kwambura kuziŵa ndinguchitiya viyo mu uwura chivwanu;

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.