Luka 22:62 - Tonga Bible 1986

⁶² Ndipo wangutuliya kubwaro, wanguliya kwakuŵaŵa.

Luka 22:62 ပူးပေါင်းရင်းမြစ်များ

Sumu 38:18

Ndisumuwa kulakwa kwangu, nde wa chitima ndi uheni wangu.

Yeremiya 31:18

Ndamuvwa Efraimu wachichita chitima, ‘Mungundidikiska ndipo ndingudikiskika, nge ndi thole lambura kusambizgika; ndiwezgeni alinga kuti ndiŵe nge ndi kali pakuti imwe ndimwe Ambuya Chiuta wangu.

Ezekiele 7:16

Ndipo asani ŵajako ŵakuthaŵa, ŵakaŵanga pa mapiri, nge ndi nkhunda za mudambo, wose ŵatenje, we yose pa uheni wake.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Mateyu 26:75

Ndipo wangukumbuka Petro mazu ghaku Yesu, ghakuti, “Wandakokoŵereke tambala, undikanenge katatu.” Ndipo wakutuliya kubwaro, wanguliya kwakuŵaŵa.

Mateyu 5:4

“Mbakutumbikika ŵakutenje, pakuti iwo ŵasanguruskikenge.

Marko 14:72

Ndipo soso nukweni tambala wangukokoŵereka kachiŵi. Sono Petro wangukumbuka nenedu lo, mo wangumnene Yesu, “Wandakokoŵereke kaŵi tambala, undikanenge katatu.” Ndipo wangusweka mtima, wanguliya masozi.

Luka 22:61

Ndipo wangung'anamuka Mbuya, wangulereska Petro. Ndipo Petro wangukumbuka nenedu la Ambuya, mo wangumunene, “Weche wandakokoŵereke le tambala, undikanenge katatu.”

Luka 22:63

Ndipo ŵanthurumi wo ŵamkonga Yesu, ŵamtombozganga ndi kumkwechuwa.

1 ŴaKorinte 10:12

Viyo yo ngwakujipima kuti watuma, wacheŵe vinu wangawa.