Luka 22:41 - Tonga Bible 1986

⁴¹ Ndipo mwenecho wangupatukako kwaku wo uli nkhupong'a kwa mwa; ndipo wanguti wagwada pa makongonu, warombanga, wakuti,

Luka 22:41 ပူးပေါင်းရင်းမြစ်များ

Mateyu 26:39

Ndipo pakurutiyapo kunthazi kamanavi, wanguwa kavunama, wakuromba ndi wakuti, “Ada, asani kungachitika, yindirutiriye nkhombo iyi: kweni uli ndimo ndikhumbiya ine cha, kweni mo mukhumbiya imwe.”

Marko 14:35

Ndipo wangurutiriya kamanavi, wanguwa pasi, ndipo wanguromba wakuti, asani kungachitika, ora lo limurutiiriye.

Luka 18:11

Yo mu Farisi wakusoka warombanga viyo kwaku yija, ‘A Chiuta, ndiwonga imwe, kuti nde nge mbakujapo ŵa ŵanthu cha, ŵalikwanukwanu, ŵamburu urunji, ŵarowozi, pamwenga napo nge ndi mwenuyu wamsonkho.

Luka 18:13

Kweni wamsonkho yo, wakuma kutari, kuti wakhumbanga cha kuyinuskiya chingana ndi maso ghake kuchanya, kweni wapamanthanga chifuŵa chake, wakuti, ‘A Chiuta, mupepeskeke kwaku ine ndamulakwi!’

Machitidu gha Ŵakutumika 20:36

Ndipo wachikamba vyenivyo, wangugwada pasi, ndi wanguromba pa­moza nawo wose.

Machitidu gha Ŵakutumika 21:5

Kweni penipo tingujako mazuŵa, tingutuwako ndi tinguruta; ndipo wo wose, pamoza ndi ŵawoli ŵawo ndi ŵana, ŵangutiperekezga mpaka kubwaro ku msumba: ndipo pakugwada pa likumba, tinguromba, ndi kurayirana.

Machitidu gha Ŵakutumika 7:60

Ndipo pakupeta makongonu, wangukambura ndi liu likuru, “Ambuya, mungaŵaŵikiya ulakwi uwu cha.” Ndipo wanguti wakamba ichi, wangura.

Machitidu gha Ŵakutumika 9:40

Kweni Petro, wati waŵatuzgiya wose kubwaro, wangugwada pasi, ndi wanguromba; ndipo pakung'anamukiya ku thupi lo, wanguti, “Tabita, yuka!” Ndipo iyo wangubanuwa maso ghake; ndipo wachiwona Petro, wanguja songa.

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.