Luka 20:36 - Tonga Bible 1986

³⁶ chifukwa chingana nkhuti ŵaziŵa kufwa so cha; chifukwa ŵe nge mbangelo; ndipo mbana ŵaku Chiuta, pakuŵa ŵana ŵa chiyuka.

Luka 20:36 ပူးပေါင်းရင်းမြစ်များ

Yesaya 25:8

Akameziyanga limu nyifwa muyaya, ndipo Ambuya Chiuta wakaleskanga masozi ku visku vyose, ndipo soni ya ŵanthu ŵake wakatuzgangamo mu charu chose chapasi; pakuti Ambuya ndiwo akamba.

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

Zekariya 3:7

“Viyo atiti Ambuya ŵa maŵanja: Asani wendenge mu nthowa zangu, ndi kusunga dangu langu lakumikika, yipo ukausanga nyumba yangu, ndi kweruzga mabwalo ghangu, ndipo ndikupaskenge nthowa yakuziyamo mukati mwaku yaŵa ŵanthu ŵatuma yapa.

Mateyu 22:30

Chifukwa mu chiyuka kuti ŵato cha, chingana nkhuti ŵaŵirwa cha, kweni ŵe nge mbangelo kuchanya.

Marko 12:25

Chifukwa penipo ŵayukenge ku ŵakufwa, kuti ŵakatonga cha, chingana nkhuti ŵaŵirwenge cha; kweni ŵamuja nge mbangelo kuchanya.

ŴaRoma 8:16

Mzimu iyo wasimikizgana ndi mzimu widu, kuti te ŵana ŵaku Chiuta:

1 ŴaKorinte 15:26

Wamawongu wakumariya kwachiwayulika ndi nyifwa.

1 ŴaKorinte 15:42

Chiyuka nacho cha ŵakufwa che viyo. Limijika mu chivuzi; liyuskika mu uura-chivuzi.

1 ŴaKorinte 15:49

Ndipo uli ndimo tavwariya chikozgu cha wadongu yo, ndimu tamvwariya chikozgu so cha wakuchanya yo.

ŴaFilipi 3:21

mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.

Chivumbuzi 20:6

Ngwamwaŵi ndi ngwakupaturika yo we ndi chigaŵa mu chiyuka chachimoza cho: paku ŵeniwo nyifwa yachiŵi kuti yikaŵanga ndi mtufu cha; kweni ŵakaŵanga ŵazukuru ŵaku Chiuta ndi ŵaku Kristu, ndipo ŵakausanga pamoza nayo virimika chikwi.

Chivumbuzi 21:4

Ndipo waleskengeko sozi lose ku maso ghawo, ndi nyifwa kuti yikaŵangapo so cha; chingana nchitenje, chingana ndi nkhuta, chingana mburwirwi, kuti vikaŵangapo so cha: chifukwa vyakudanga vyo vyarutapo.”

Chivumbuzi 22:9

Ndipo wali kwaku ine, “Awa, na! Ndine muŵanda munyako ndi so wa ŵabali ŵako ŵamchimi wo, ndi waku wo Wasungirizga mazu gha buku lenili. Mlambiye Chiuta.”