Luka 20:24 - Tonga Bible 1986

²⁴ “Ndirongoni tambala. Kumbi chikozgu ndi chakulembekapo vyo wenavyo vyakuyani?” Ndipo iwo ŵanguti, “Vyaku Kaisare.”

Luka 20:24 ပူးပေါင်းရင်းမြစ်များ

Mateyu 18:28

Kweni wachituwa muŵanda yo, wangusaniya yumoza wa ŵaŵanda ŵanase ŵake, mweniyo wangumteuwa madenari machumi pe chumi, ndipo wangumko pa kagoromeru, wakuti, ‘Ndiwezge cho ukuteuwa.’

Mateyu 20:2

Ndipo wati wapangana nawo kwa tambala yumoza pa zuŵa, wanguŵatuma ku munda wake wamphereska.

Mateyu 22:20

Ndipo Yesu wanguŵafumba, “Vyaku yani chithuzituzi ichi ndi kalembedu yaka?”

Marko 12:16

Ndipo iwo ŵangumtole. Sono watiti kwaku wo, “Vyaku yani chikozgu ichi ndi lembo ili?” Wangumnene, “Vyaku Kaisare.”

Luka 2:1

Ndipo kunguŵa mu mazuŵa ghenigho, kungutuwa kwaku Kaisare Augusto lamulu, lakuti, ulembeke uzengi wose.

Luka 20:22

Kuyiyamu ifwe nthu kupaska mthulu kwaku Kaisare, pamwenga awa?”

Luka 20:23

Kweni wanguziŵa urghargha wawo, wanguti kwaku iwo,

Luka 20:25

Ndipo iyo wanguŵanene, “Wezgiyani viyo vyaku Kaisare kwaku Kaisare, ndi vyaku Chiuta kwaku Chiuta.”

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Luka 3:1

Kweni mu chirimika cha chumi ndi chinkhonde cha muwusu waku Tiberio Kaisare, pakuŵa Pontio Pilato nduna yaku Yuda, ndi Herode wachinaikiru waku Galile, ndi Filipu, mwana munyake, wachinaikiru waku Iturea, ndi Trakhoniti, ndi Lusanio wachinaikiru waku Abilene,

Machitidu gha Ŵakutumika 11:28

Ndipo yumoza waku wo, zina lake Agabu, wangusoka, ndipo wangusimikizgiya mu Mzimu kuti chikaŵangapo chilala chikuru pa charu chose: chenicho nacho chinguŵapo wachiusa Klaudio.

Machitidu gha Ŵakutumika 26:32

Ndipo Agripa wanguti kwaku Festo, “Munthu mwenuyu mphanyi wangufwatulika, asani wengavi kupazga mphara yaku Kaisare.”

ŴaFilipi 4:22

Ŵakupaturika wose ŵakutauzgani, ukongwa viŵi wo ŵamu nyumba yaku Kaisare.