Luka 2:49 - Tonga Bible 1986

⁴⁹ Ndipo wanguŵanene, “Mwandipenjiyanganji? Asi mwaziŵanga kuti kutenere ine kuŵa mwaku vyo vya Ada?”

Luka 2:49 ပူးပေါင်းရင်းမြစ်များ

Sumu 40:8

Ndikondwere kuchita khumbo linu, A Chiuta wangu; dangu linu le mukati mu mtima wangu.”

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Mateyu 21:12

Ndipo Yesu wanguza mu kasopi waku Chiuta, ndipo wangupong'a kubwaro wose ŵakusaska ndi ŵakugula mu kasopi yo ndipo wangugadabuwa magome gha ŵakusintha-ndrama, ndi vitengo vya ŵakusaska nkhunda.

Luka 2:48

Ndipo ŵachiwona, ŵanguzizwa; ndipo ŵanyina ŵanguti, kwaku iyo, “Wamwana, watichitiyanji viyo? Awona, ausu ndi ine ŵachisungu takupenjanga.”

Yohane 4:34

Yesu wanguŵanene, “Chakurgha changu nchakuti ndichitenge khumbo la wakundituma yo, ndi kuti ndifiske mlimu wake.

Yohane 5:17

Kweni Yesu wanguŵamuka, “Mpaka sono Ada ŵachita nchitu, ndipo ine nani ndichita.”

Yohane 5:36

Kweni ine nde nawo ukaboni mwakundamweni ukuruku kwakuruska wo waku Yohane; chifukwa nchitu zo Dada wandipaska kuti ndifiske, nchitu zo ine ndichita, zenizo zisimikizgiya ine, kuti Dada wandituma.

Yohane 6:38

Pakuti ndasika kuchanya kuti ndilichite khumbo langu cha, kweni khumbo la wakundituma yo.

Yohane 8:29

Ndipo Wakundituma yo we nane pamoza; kuti wandijowo Ndija cha; pakuti nyengo zose ndichita cho chitumkondweska.”

Yohane 9:4

Titenere kuzitata nchitu za Wakundituma, kweche msana: kutuza usiku, penipo palive yumoza waziŵa kutata nchitu.