Luka 2:25 - Tonga Bible 1986

²⁵ Ndipo awonani kwenga munthu mu Yerusalemu, zina lake Simeoni; ndipo munthu mweniyo wenga mrunji ndi wakusopa, wakulereze sangarusku laku Yisraele: ndipo Mzimu Wakupaturika wenga pake.

Luka 2:25 ပူးပေါင်းရင်းမြစ်များ

Chiyambo 6:9

Izi ndi mphapu zaku Nowa. Nowa wenga munthu murunji, wambura kalema mu mgonezi wake; Nowa wangwenda ndi Chiuta.

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Jobu 1:8

Ndipo Ambuya anguti kwaku Satana, “Kumbi wamsanda muteŵeti wangu Jobu kuti mulive mu charu wakuŵa nge ndiyo, munthu wambura kalema, ndi murunji yo watopa Chiuta ndi wakupatukako ku uheni?”

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”

Yesaya 40:1

Sangaruskani, sangaruskani ŵanthu ŵangu; watiti Chiuta winu.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Maŵerengedu 11:25

Ndipo Ambuya angusikiya mu mtambo kurongoro nayo, ndipo angutoko mzimu wo wenga mukati mwake ndi kuwupaska ku ŵara wo machumi ghankhonde ndi ghaŵi (70) penipo mzimu unguja paku iwo, ŵanguchima. Kweni pavuli kuti ŵanguchima so cha.

Maŵerengedu 11:29

Kweni Mosese wanguti kwaku iyo, “Kumbi wendi sanji chifukwa chaku ine? Khumbu ndakuti mphanyi ŵanthu ŵa Ambuya wose ŵenga ŵamchimi, ndi kuti Ambuya mphanyi anguŵapaska mzimu wawo.”

Marko 15:43

kunguza Yosefe waku Arimatiya, waupu wa mbiri yakuvwika, mweniyo nayo wenga wakulereze ufumu waku Chiuta; wangusere kwachiganga kwaku Pilato, ndipo wangupempha thupi laku Yesu.

Luka 1:41

Ndipo kunguŵa, po wanguvwa Elizabeti yo tauzgo laku Mariya, kana kangutundumuka mu chibali chake; ndipo wanguzizika Elizabeti ndi Mzimu Wakupaturika;

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Luka 1:67

Ndipo Zekariya awiske wanguzazika ndi Mzimu Wakupaturika, ndi wanguchima, wakuti,

Luka 2:38

Ndipo wanguti wafikapo pa ora lenilo, wawongiyanga Chiuta, ndipo wangukambiya vyaku iyo kwaku wose ŵakulereze uwombozi wa Yerusalemu.

Luka 23:51

munthu wamampha ndi murunji (wengavi iyo kuzomerezgana ndi fundu ndi nchitu zawo), waku Arimataya, muzi wa ŵaYuda, mweniyo walerezenga ufumu waku Chiuta;

Machitidu gha Ŵakutumika 10:2

msopa, ndi wakopa Chiuta pamoza ndi nyumba yake yose, yo wachitiyanga khamu lo vyalisungu vinandi, ndi waninizikiyanga Chiuta rutaruta.

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

Machitidu gha Ŵakutumika 2:5

Ndipo mwajangamo mu Yerusalemu ŵaYuda ŵanthu ŵakopa Chiuta, ŵakutuwa ku mitundu yose ya ŵapasi pa kuchanya.

Machitidu gha Ŵakutumika 24:16

Mwaku chenichi nacho nane ndilimbiya kuŵa ndi njuŵi zambura kalema kuchiri kwaku Chiuta ndi ku ŵanthu nyengo zose.

Marangu 18:15

“Ambuya Chiuta winu wakamuyuskiyaninga mchimi uli ndine mukati mwinu, kutuwa mu ŵabali ŵinu. Mukaphwerenga mweniyo.

2 Petro 1:21

Chifukwa kuti umchimi wengavi kuza kali ndi khumbo la munthu: kweni ŵanthu ŵakambanga gho ghatuliyanga kwaku Chiuta, pakututuzgika ndi Mzimu Wakupaturika.