Luka 18:7 - Tonga Bible 1986

⁷ Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

Luka 18:7 ပူးပေါင်းရင်းမြစ်များ

Sumu 88:1

Ambuya Chiuta, wa utaski wangu, msana ndi usiku ndabongore paurongo pinu.

Sumu 9:8

ndipo ateruzga charu mu urunji, ateruzga ŵanthu mu kunyoroka.

Chituwa 22:23

Asani mukaŵayuzganga ndipo ŵatindiliriya ine, kwakuneneska ndikavwanga nkhuta yawo;

Yesaya 40:27

Chifukwa chine urongoro, Yakobe, ndipo ukamba, Yisraele we, “Nthowa yangu yabisika ku Ambuya, ndipo mwenera wangu walivi kuwuphwere Chiuta wangu”?

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

Mateyu 24:22

Ndipo asani ghengavi kufupiskika mazuŵa gha, mphanyi kuti chingana njumoza watinge wataskikenge cha: kweni chifukwa cha ŵakusankhika ghafupiskikenge mazuŵa gha.

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

Mateyu 7:11

Viyo asani imwe chingana mwe ŵaheni, muziŵa kupaska mipasku yamampha ku ŵana ŵinu, na uli ukongwa Auskemwe ŵakuchanya ŵapaskenge vyamampha ku ŵakuŵapempha?

Luka 11:13

Viyo asani imwe, mwaŵakuŵa ŵaheni, muziŵa kupaska mipasku yamampha ku ŵana ŵinu, uli ukongwaku Ada wo ŵakuchanya ŵapaskenge Mzimu Wakupaturika ku ŵakuŵapempha?”

Luka 2:37

mweniyo so wenga choko cha virimika machumi ghankhonde ndi ghatatu pachanya vinayi, mweniyo kuti watuwangako ku kasopi cha, wakusopa ndi kufunga ndi maniniziku usiku ndi msana.

Luka 21:28

Kweni vichamba kuŵapo vyenivyo, yinuskani ndi tumphuskani mitu yinu; pakuti uŵandika uwombozi winu.”

ŴaRoma 8:33

Njani waŵasumuwenge ŵakusankhika ŵaku Chiuta? Chiuta ndiyo warunjiska; wakususka njani?

ŴaKolose 3:12

Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

1 ŴaTesalonika 3:10

taŵakuromba ukongwa limu usiku ndi msana, kuti mphanyi tawona chisku chinu, ndi kumusazgiyaniko ku vyakupereŵe vyamu chivwanu chinu?

2 ŴaTesalonika 1:6

nadi nkhwakurunjika paurongo paku Chiuta kuwerezgeyapo suzgu kwaku ŵeniwo ŵatikusuzgani,

1 Timote 5:5

Kweni choko cheneko ndi chamasiya chigomekezga paku Chiuta, ndipo chijaririya mu maniniziku ndi mu marombo usiku ndi msana.

2 Timote 1:3

Ndimwonga Chiuta mweniyo nditeŵete kutuliya ku ŵaseku mu njuŵi yikhovu, kuti kwambura kulekezga ndikumbuka iwe mu maniniziku ghangu, ndawakunweka usiku ndi msama kukuwona,

2 Timote 2:10

Chifukwa chenichi ndikunthiyapo vyose pa chifwa cha ŵakusankhika, alinga kuti iwo nawo ŵafikapo pa utaski wa mwaku Kristu Yesu ndi unkhankhu muyaya.

Tito 1:1

Kalata wakutuwa kwaku Paulo mteŵeti waku Chiuta, ndi wakutumika waku Yesu Kristu uli ndi chivwanu cha wakusankhika waku Chiuta, ndi chiziŵisku chauneneska wa mwa uwopa Chiuta,

1 Petro 1:1

Kalata wakutuwa kwaku Petro wakutumika waku Yesu Kristu, ku ŵalendo ŵakuchariya mu Pontu, Galatia, Kapadokia, Asia ndi Bithunia,

2 Petro 3:9

Mbuya walive kuziulika pa phanganu lake, uli ndimo ŵanyake ŵapimiya chiziu; kweni ngwakulekerezga kuchiri kwaku imwe, wambura kukhumba kuti yumoza wanangike, kweni kuti wose ŵazichipe.

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Chivumbuzi 6:10

ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”

Chivumbuzi 7:15

Chifukwa cheni chiŵe paurongo pa Chitengu-chaufumu chaku Chiuta, ndipo ŵatumteŵete msana ndi usiku mu kasopi wake: ndipo mweniyo waja pa chitengu-chaufumu waŵavimbenge ndi uŵapo wake.