Luka 18:43 - Tonga Bible 1986

⁴³ Ndipo sosonukweni wangulereska so, ndipo wamrondonga wakukankhuska Chiuta: ndipo khamu lo lose, lichiwona, linguthamika Chiuta.

Luka 18:43 ပူးပေါင်းရင်းမြစ်များ

Sumu 107:15

Ŵawonge Ambuya chifukwa cha chanju chawo chakufikapo, chifukwa cha milimu yawo yakuziziswa pa ŵana ŵa ŵanthu!

Sumu 107:8

Ŵawonge Ambuya chifukwa cha chanju chawo chakufikapo, chifukwa cha milimu yawo yakuziziswa pa ŵana ŵa ŵanthu!

Sumu 146:8

Ambuya ajura maso gha ŵachiburumutiya. Ambuya asoska wose ŵakujiyuyuwa, atanja ŵakurunjika.

Sumu 30:2

A, Ambuya Chiuta wangu, ndingukutiya chovyo kwaku imwe, ndipo imwe mungundichizga.

Yesaya 35:5

Sono maso gha ŵachiburumutiya ghakabanukanga, ndi makutu gha ŵamgota kuti ghagotenge cha,

Yesaya 42:16

Ndipo ndikarongozganga ŵachiburumutiya mu nthowa yo ŵalivi kuyiziŵa, mu tunthowa to ŵalivi kutuziŵa kale ndikaŵarongozganga. Ndikasanduskanga mdima wa paurongo pa wo kuŵa ukweru, malo ghavibokuboku kuŵa ghakunyoroka. Ivi vinthu ndi vyo nkhachitanga, kuti nkhavirekanga cha.

Yesaya 43:21

ŵanthu ŵeniwo ndingwata chifukwa chaku ndamweni kuti ŵataule rumbu langu.

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Mateyu 21:14

Ndipo ŵanguza kwake mu kasopi ŵachiburumutiya ndi ŵakuganthiya; ndipo wanguŵachizga.

Mateyu 9:8

Kweni, yati yawona mizinda yo, yingopa, ndipo yingumkankhuska Chiuta yo wapaska nthazi yaviyo ku ŵanthu.

Luka 13:17

Ndipo wachikamba vyenivi iyo, wose ŵakupindikana nayo ŵakanyaranga; ndipo mzinda wose wamwemwetiyanga paku vyose vyaunkhankhu vyo vinguchitika nayo.

Luka 19:37

Ndipo wachiŵandika iyo sono, ku sikiru la phiri la Olivete, ungwamba mzinda wose wa ŵasambizi kukondwere kuthamika Chiuta ndi liyowozi likuru pa chifwa chaku vyose vyanthazi vyo ŵanguwona;

Luka 4:39

Ndipo wanguti wamiyapo pake, wanguchenya muliŵavu, ndipo mungumtaya: ndipo wanguti wayuka sosonukweni waŵateŵetiyanga.

Luka 5:26

Ndipo chirwita chinguŵako wose, ndipo ŵakankhuskanga Chiuta; ndipo ŵanguzazika chopu, ŵakukamba kuti, “Tawona vyakutondweska le.”

Luka 9:43

Ndipo ŵangutondwe limu wose pa mazaza gho ghaku Chiuta. Kweni ŵachizizwiya wose paku vyose vyenivyo Yesu wanguchita, wanguti ku ŵasambizi ŵake,

Machitidu gha Ŵakutumika 11:18

Ndipo ŵachivwa vyenivi, ŵanguchetama, ndipo ŵangumkankhuska Chiuta ŵakuti, “Ndipo ku ŵaMitundu nawo Chiuta wapaska ching'anamuka cha mu mtima ku umoyo.”

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Machitidu gha Ŵakutumika 4:21

Ndipo ŵati ŵaŵachenjezga so, ŵanguŵafwatuwa, kwambura kubowozga mo ŵangaŵalanguliya, chifukwa cha khamu lo; pakuti wose ŵakankhuskanga Chiuta paku cho chinguŵapo.

ŴaGalatia 1:24

Ndipo yamkankhuskiyanga Chiuta mwaku ine.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;