Luka 18:32 - Tonga Bible 1986

³² Chifukwa wakombolekiyenge ku Mitundu, ndipo watombozgekenge, ndi walengeskekenge, ndi wafunyirikenge;

Luka 18:32 ပူးပေါင်းရင်းမြစ်များ

Yesaya 50:6

Ndingung'anamukiya msana wangu ku wakupuma, ndi matama ghangu kwaku wo ŵanguguza mwembe, ndengavi kubisa chisku changu ku chilengesku ndi kukufunyika mata.

Yesaya 52:14

Nge ndimo ŵanandi ŵanguzizwiya iyo chisku chake chingunangikadi, kwakuruska kawonekedu ka munthu, ndi kaŵiru kake kwakuruska ka ŵana ŵa ŵanthu

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

Mika 5:1

Sono mwazingirizgika ndi linga urwani watijarizga; ŵapuma ndi nthonga pa dakama la fumu yaku Yisraele.

Mateyu 16:21

Kwanda pa nyengo yeniyiya Yesu wangwamba kurongo ŵasambizi ŵake kuti kutenere iyo kuruta ku Yerusalemu, ndi kuvwiyapo vinandi ku ŵara ndi ŵazukuru ŵara ndi ŵalembi kubayika, ndipo pa zuŵa lachitatu kuyuskika so.

Mateyu 20:19

ndipo ŵamkombolenge ku Mitundu kumtombozga ndi kumukwechuwa ndikumpayika; ndipo pa zuŵa lachitatu wayukenge.”

Mateyu 22:6

ndipo ŵakujapo ŵanguŵako ŵaŵanda ŵake, ŵanguŵachitiya uheni, ndi ŵanguŵabaya.

Mateyu 26:67

Penipo ŵangumufunyiya mata ku maso, ndipo ŵangumjenyeska: ndipo ŵanyake ŵangumpuma makofi,

Mateyu 27:2

ndipo ŵati ŵamumanga, ŵanguruta nayo, ŵangumpereka kwaku Pilato, nduna yo.

Marko 14:65

Ndipo wangwamba ŵanyake kumfunyiya mata, kumujara ku maso, kumpafuwa, ndi kumnene, “Loskanga”: ndipo ŵalinda ŵangumronde ndi inakofe.

Marko 15:1

Ndipo sosonukweni ku mlenji-lenji ŵangupanga upu ŵazukuru ŵara pamoza ndi ŵara ndi ŵalembi, ndi upu wose, ndipo ŵangumumanga Yesu ndi kuruta nayo, kwaku Pilato,

Luka 18:33

ndipo ŵati ŵamkwechuwa, ŵambayenge: ndipo pa zuŵa lachitatu wakayukanga so.”

Luka 23:1

Ndipo chingusoka chiuru chose chaku wo, chingumgumizgiya kwaku Pilato.

Luka 23:11

Herode nayo pamoza ndi ŵankhondo ŵake ŵati ŵamyeya ndi kumtombozga, ŵangumvwarika chivwaru charopa, ndipo wangumwezge kwaku Pilato.

Luka 23:35

Ndipo lamanga khamu lo lakulereze. Ndipo ŵara nawo ŵamtozanga, ŵakuti, “Ŵanyake wanguŵataska; wajitaske mweneko, asani ndi Kristu waku Chiuta, wakusankhika wake.”

Yohane 18:22

Ndipo wachikamba ichi, yumoza wa ŵamirizi ŵakumapo wangumjenyeska Yesu khofi, wakuti, “Kumbi utumwamuka mzukuru mura viyo?”

Yohane 18:28

Kutuwa kwaku Kayafa wangumgumizgiya Yesu ku mphara ya nduna. Kwenga mlenjilenji, ndipo iwo ŵija ŵengavi kuseremo mu mphara cha, mwakuti ŵareke kukazuzgika kweni kuti ŵakarghe phaska.

Yohane 18:30

Wangwamuka ndi ŵangunena nayo, “Kwambura kuti uyu wenga muchita uheni, mphanyi kuti tamupereka kwaku iwe cha.”

Yohane 18:32

Ichi chenga chakuti ghafiskike mazu ghaku Yesu, gho wangukamba pakusimikizga ndi nyifwa yakutinkha yo wakafwanga.

Yohane 18:35

Wangamuka Pilato, “Kumbi nde muYuda ine? Mtundu wako ndi ŵazukuru ŵara ndiwo ŵakupereka kwaku ine: na iwe wachitanji?”

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

Machitidu gha Ŵakutumika 3:13

Chiuta iyo waku Abrahamu, ndi waku Yisaki, ndi waku Yakobe, Chiuta yo wa auskefwe, wamkankhuska Mwana wake Yesu, mweniyo imwe mungukombo ndi mungukana paku Pilato, wachidumuwa yuwa kuti wamfwatuwe.