Luka 18:14 - Tonga Bible 1986

¹⁴ Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Luka 18:14 ပူးပေါင်းရင်းမြစ်များ

Jobu 22:29

Chifukwa Chiuta wayuyuwa ŵakujikuzga, ndi wataska ŵakujiyuyuwa.

Jobu 25:4

Munthu wangaziŵa uli kuŵa murunji pa maso paku Chiuta? Wangaziŵa uli yo ngwakupapika ndi munthukazi kuŵa wakuphotoka?

Jobu 9:20

Chingana ndiŵe wambura chifukwa mlomo wangu ukandisuskanga, nanga ndiŵe wambura kalema wakandisaniyanga kuti nde wakwananga.

Sumu 138:6

Inya nanga Ambuya ŵe kuchanya kutali, kweni aphwere ŵakusuzgika, ndipo kwaku iwo kuti ŵakabisamanga cha ŵakujikuzga.

Sumu 143:2

Rekani kusere mu cheruzgu ndi mteŵeti winu; chifukwa pa maso pinu palivi nanga njumoza yo ngwakurunjika.

Chituwa 18:11

Sono ndiziŵa kuti Ambuya mbara akuruska ŵachiuta ŵanyake wose, chifukwa angupozomoska ŵanthu wo ku magoŵa gha ŵaEgipiti, penipo ŵanguŵayuzga.”

Nthanthi 15:33

Kopa Ambuya nkhusambizga mu zeru, ndipo ulemu kujiyuyuwa kudanjiya paurongo.

Nthanthi 18:12

Paurongo pa phasulu mtima wamunthu utijikuzga, kweni kujiyuyuwa kutiya paurongo pa ulemu.

Nthanthi 25:7

pakuti nkhwamampha kunenereka kuti, “Kwerekuno,” kwakuruska kukupauskiya pasi mu maso gha mwana wa karonga.

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Nthanthi 3:34

Ku ŵakuyeya, iyo ngwakuyeya, kweni ku ŵakujiyuyuwa walongo mwaŵi.

Wakutaula 9:7

Rutanga, karghenge kurgha kwako ndi likondwa, ndi kumwa vinyo wako mu chimwemwe cha mtima; pakuti Chiuta wakuzomerezga kale nchitu zako.

Yesaya 45:25

Mu Ambuya mphapu zose zaku Yisraele zikapundanga ndi kujikuzga.”

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Habakuku 2:4

Yo mzimu wake kuti ngwakunyoroka cha watondekenge, kweni murunji waŵenge wamoyo chifukwa cha chivwanu chake.

Mateyu 23:12

Ndipo yose yo wajikuzgenge, wayuyulikenge; ndipo yose yo wajiyuyuwenge, wakuzgikenge.

Mateyu 5:3

“Mbakutumbikika ŵasauchi mu mzimu, pakuti ngwawo ufumu wo wa kuchanya.

Luka 1:52

wasiska ŵamazaza ku vitengu, ndipo wakwezga ŵakuyuyulika.

Luka 10:29

Kweni iyo, pakukhumba jujirunjiska, wanguti kwaku Yesu, “Ndipo ndi yani mwanase wangu?”

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

ŴaRoma 3:20

Chifukwa kuti kuchiri ku nchitu za chilangulu paŵengevi kurunjiskika munthu wamoyo pa maso pake: pakuti mu chilangulu mwe mziŵiru wa ulakwi.

ŴaRoma 4:5

Kweni kwaku yo ngwakuchita cha, kweni ngwakuvwana mwaku mweniyo warunjiska wambura kusopa, chivwanu chake chimpimikiya nge mburunji.

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

ŴaRoma 8:33

Njani waŵasumuwenge ŵakusankhika ŵaku Chiuta? Chiuta ndiyo warunjiska; wakususka njani?

ŴaGalatia 2:16

tiziŵa kuti munthu walive kurunjiskika mu milimi ya chilangulu, kweni mu chivwanu chamwaku Yesu Kristu pe, nafwe tavwaniya mwaku Kristu Yesu, alinga kuti tirunjiskikiyenge ndi chivwanu chamwaku Kristu, ndipo ndi milimu ya chilangulu cha: pakuti ndi milimu ya chilangulu paŵengevi kurunjiskika munthu yumoza.

Yakobe 4:10

Mujichefye paurongo pa Ambuya, ndipo wamkuzgeninge.

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”

1 Samuele 1:18

Ndipo iyo wanguti, “Zomerani kuti ndamuŵanda munthukazi winu ndisaniye wezi mu maso ghinu.” Viyo munthukazi yo wanguwere kwake wangurgha, ndipo chisku chake kuti chinguŵa so cha chitima cha.