Luka 18:13 - Tonga Bible 1986

¹³ Kweni wamsonkho yo, wakuma kutari, kuti wakhumbanga cha kuyinuskiya chingana ndi maso ghake kuchanya, kweni wapamanthanga chifuŵa chake, wakuti, ‘A Chiuta, mupepeskeke kwaku ine ndamulakwi!’

Luka 18:13 ပူးပေါင်းရင်းမြစ်များ

2 Samuele 12:13

Davidi wangunena ndi Natani, “Ndalakwiya Ambuya.” Ndipo Natani wanguti, “Ambuya atuzgapo uheni wako; kuti ukafwanga cha.

2 Mikoka 33:19

Kuromba kwake naku so, ndi mo Chiuta wanguŵeyereke ndi iyo, ndi maulakwi ghake ghose ndi ubendezi wake, ndi malo mo wanguzenga malo gha pachanya, ndi kuŵika Ashera, ndi vikozgo vya kusema, wenga wandape; ehe, vikulembeka mukati mu Makani gha Ŵamchimi.

2 Mikoka 33:23

Kweni kuti wangujiyuyuwa cha pa maso ghaku Chiuta nge ndimo Manase awiske ŵangujiyuyuliya, kweni Amoni wanangiyanga-nangiyanga.

Ezra 9:6

ndinguti, “Chiuta wangu nde ndi soni kuyunuskiya chisku changu kwaku imwe Chiuta wangu, chifukwa vyakulakwa vibizga mitu yidu, ndipo kunanga kwidu kwakuwa kufika kuchanya.

Jobu 42:6

chifukwa ichi nditijisuska, ndipo ndajiwezga mu fuvu ndi mu choto.”

Sumu 106:6

Mo ŵangulakwiya auskefwe, nafwe talakwa; taŵa ŵakwananga ndi ŵamphurupuru.

Sumu 119:41

Ambuya, chanju chinu chize paku ine, ndipo nditaskeni kwakulingana ndi phanganu linu.

Sumu 130:7

A! Yisraele, gomekezga mu Ambuya! Chifukwa mwaku iwo mwe chifundu cha muyaya, mu Ambuya mwe uwombozi wakuzara.

Sumu 25:11

Chifukwa cha zina linu, Ambuya, gowokiyani kunanga kwangu, pakuti nkhukuru ukongwa.

Sumu 25:7

Rekani kukumbuka vya kulakwa kwa pa uhurwa wangu ndi mamphuru ghangu; kwakulingana ndi chanju chikuru mundikumbuke, pa chifukwa cha umampha winu pe, Ambuya, mwe.

Sumu 40:12

Pakuti mauheni ghambura maŵerengeka ghandizingirizga; mphurupuru zandisaniya, rekani nditondeka nanga nkhulereska; zaŵa zinandi kwakuruska sisi laku mutu wangu; mtima wangu chipoyo.

Sumu 41:4

Ine, ndinguti, “Ambuya ndichitiyeni wezi: ndichizgeni, pakuti ndanangiya imwe!”

Chituwa 33:10

Ndipo penipo ŵanthu wose ŵanguwona mzati wa mtambo kuma pa khomo la hema, ŵanthu wose ŵasokanga ndi kulambiya, munthu we yose pa khomo la hema lake.

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

Danyele 9:5

tananga, tabuda, ndi kuchita ulakwi, tagaruka pakutuwamo mu marangu ghinu, ndi veruzgu vinu;

Mateyu 10:3

Filipu, ndi Bartolomeyu; Tomase, ndi Mateyu, wa msonkho yo; Yakobe, mwana waku Alifeyu, ndi Tadeyu;

Mateyu 6:5

“Ndipo penipo uromba, ungaŵanga nge mbakufuvya cha; pakuti ŵatanja kuma ndi kuromba mu masinagoge ndi mu ndekanu za miseu, kuti ŵawoneke ku ŵanthu. Nadidi ndikuneniyani, ŵaronda mphotu yawo.

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Marko 11:25

Ndipo penipo pose mutuma ndi kuromba, khururukiyani, asani mwe nako kanthu pa yumoza; kuti Auskemwe ŵakuchanya nawo akhururukiye imwe mamphuru ghinu. [

Luka 17:12

Ndipo wachisere iyo mu muzi wakuti, ŵangukumana nayo ŵanthurumi chumi, ŵamakhate, ŵeniwo ŵanguma kutari:

Luka 22:41

Ndipo mwenecho wangupatukako kwaku wo uli nkhupong'a kwa mwa; ndipo wanguti wagwada pa makongonu, warombanga, wakuti,

Luka 23:48

Ndipo mizinda yose yo yingongerana pa chilereska chenichi, pakuona vyakuŵapo vyo, yawenga yakujipamantha pa vifuŵa.

Luka 5:8

Kweni wachiwona, Simoni Petro wanguwa pa makongono ghaku Yesu, wakunena, “Tuwaniko kwangu, pakuti ndine munthu wakulakwa, Ambuya.”

Machitidu gha Ŵakutumika 2:37

Ndipo ŵachivwa, ŵanguchontheka mu mtima, ndipo ŵangunene Petro ndi ŵakutumika ŵanyake, “Mwaŵanthu mwaŵabali, tichitengenji?”

ŴaRoma 5:8

Kweni Chiuta wasimikizgiya chanju chaku iyo mweneko kuchiri kwaku ifwe, mwakuti, tengateche ŵakulakwa, Kristu wangutifwiya.

2 ŴaKorinte 7:11

Chifukwa, wonani vyo rwana la chisungu cha uchiuta charongo mukati mwinu, chingutataliya mwinu phamphu lakutinji, ndi chikwiya chakutinji, ndi wofi wakutinji, ndi linweka lakutinji, ndi rwana lakutinji, ndi thayu lakutinji! Mwaku chose mungujisimikiya kuŵa ŵakhovu mu nkhani yo.

1 Timote 1:15

Ndamagomekezgeka nenedu lo, ndipo ndakwenere kurondeka kose, lakuti Kristu Yesu wanguza mu charu kwachitaska ŵalakwi; waku ŵeniwo chiŵinda ndine;

ŴaHebere 4:16

Viyo tiŵandike ndi chiganga ku chitengu cho cha wezi kuti tironde lisungu, ndi tisaniye wezi wakutovye mu nyengo yakwenere.

ŴaHebere 8:12

Pakuti ndiŵiyenge walisungu ku maubendezi ghawo ndipo vilakwa vyawo kuti ndikumbukenge so cha.”