Luka 17:29 - Tonga Bible 1986

²⁹ kweni mu zuŵa lenilo Lote wangutuwiya mu Sodomu, moto ndi maka vingusolomoka kutuwa kuchanya, ndi vingwananga wose,

Luka 17:29 ပူးပေါင်းရင်းမြစ်များ

Yesaya 1:9

Asani Ambuya ŵa maŵanja ŵengavi kutisiyiyapo ŵakujapo ŵamanavi, mphanyi tinguŵa nge ndi Sodomu; ndi kusanduka nge ndi Gomora.

Yesaya 13:19

Ndipo Babiloni, yo mbunkhankhu wa maufumu, unozgi ndi kujikuzga kwa ŵaKaldiya, wakaŵanga nge ndi Sodomu ndi Gomora po Chiuta wanguyibwanganduwa.

Yeremiya 50:40

Uli ndimo Ambuya angubwanganduliya Sodomu ndi Gomora ndi mizi yakuzengezgana nayo, atiti Ambuya, viyo so paulengevi munthu yo wakajangamo muwa, ndipo palivi mwana wa munthu yo wendamugonamo mwake.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Amosi 4:11

“Ndinguwanganduwa ŵanyake ŵaku imwe nge ndimo Chiuta wangubwanganduliya Sodomu ndi Gomora, ndipo mwenga nge nchisindi chakubulika ku moto wakunyeka; ndipuuli kuti munguwere kwaku ine cha,” atiti Ambuya.

Zefaniya 2:9

Chifukwa ichi mo ndilili wamoyo,” atiti Ambuya ŵa maŵanja, Chiuta waku Yisraele, “Moabu waŵenge nge ndi Sodomo, ndi ŵana ŵaku Amoni nge ndi Gomora, charu cha ukasi ndi mazenje gha mche ndi chipululu cha muyaya. Ŵakujako ŵa ŵanthu ŵangu ŵaŵaskoŵenge, ndi ŵakujako ŵa mtundu wangu ŵaŵaŵetenge.”

Luka 17:28

Uli ndimo kunguŵiya mu mazuŵa ghaku Lote; ŵarghanga, ŵamwanga, ŵagulanga, ŵasaskanga, ŵapandanga, ŵazenganga;

Luka 17:30

viyo ndimo kuŵiyenge mu zuŵa lenilo Mwana wa munthu wavumbulikiyenge.

2 Petro 2:6

ndipo pakunyekeska mizi yaku Sodomu ndi Gomora, wangweruzga yo ndi kuyigadabuwa, ndipo wanguyiŵika nge nchichenjezgu kwaku wo ŵanguŵa ŵambura kopa Chiuta;

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.

Chivumbuzi 11:8

Ndipo vitanda vyawo vyamura mu mseu wa msumba wo ukuru. Zina lachikozgu cha msumba uwa uzumbulika Sodomu ndi Egipiti, kweniko Mbuyawo nayo wangupayikika.

Chivumbuzi 14:10

viyo nayo wakamwangapo vinyo wa ufyu waku Chiuta, yo wapungulikiya wambura kusukuruka mu nkhombo ya kandundu kake; ndipo wakavwanga urwirwi mu moto ndi fukunyira pa maso pa ŵangelo ŵakupaturika, ndi pa maso gha Mwana-mberere yo.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.