Luka 17:27 - Tonga Bible 1986

²⁷ Ŵarghanga, ŵamwanga, ŵatonga, ndi ŵaŵirwanga, mpaka zuŵa lenilo wanguserere Nowa mu chingaraŵa, ndi chinguziya chazandi, ndipo chinguŵananga wose.

Luka 17:27 ပူးပေါင်းရင်းမြစ်များ

Chiyambo 7:23

Wamusisita chinthu chose chamoyo cho chenga pa charu, munthu ndi nyama ndi vyakukwaŵa ndi viyuni vya mude; vingusisitika pa charu. Wangujako Nowa pe, ndi wo ŵenga nayo pamoza mu ngaraŵa.

Chiyambo 7:7

Ndipo Nowa, ŵana ŵake ŵanthurumi, ndi muwoli wake, ndi ŵawoli ŵa ŵana ŵake pamoza nayo ŵangusere mu ngaraŵa, kuthaŵa maji gha zandi.

Yesaya 21:4

Mtima wangu ugunda, vyakofya vyandofya ukongwa, kucha ko ndingunweka kwandisandukiya ine kuŵa chofyo.

Yesaya 47:11

Kweni chiheni chikakuziyanga, chenicho kuti ungachiŵeyerere cha; soka likakuwiyanga, lenilo kuti ungaziŵa kuliŵeyerere cha; ndipo phasulu likazanga paku iwe kwa mabuchibuchi, lenilo kuti utiliziŵa cha.

Mateyu 22:30

Chifukwa mu chiyuka kuti ŵato cha, chingana nkhuti ŵaŵirwa cha, kweni ŵe nge mbangelo kuchanya.

Luka 17:26

Ndipo mo kunguŵiya mu mazuŵa ghaku Nowa viyo ndimo kuŵiyenge mu mazuŵa gha Mwana wa munthu.

Luka 17:28

Uli ndimo kunguŵiya mu mazuŵa ghaku Lote; ŵarghanga, ŵamwanga, ŵagulanga, ŵasaskanga, ŵapandanga, ŵazenganga;

1 Samuele 30:16

Ndipo wanguti waruta nayo, ehe, ŵangubalarikiya uku ndi uku pa charu chose, ŵakurgha, kumwa, ndi kuvina, chifukwa cha vinthu vinandi vyo ŵanguskoŵa ku charu cha ŵaFilisti ndi charu cha Yuda.