Luka 16:8 - Tonga Bible 1986

⁸ Ndipo mbuyake wangurumba mlindanyumba wambura-urunji mwakuti wanguchita kwakuchenje: pakuti ŵana ŵa magonezi uwu mbachenjezi kuchiri ku mphapu yawo kwakuruska ŵana ŵa ukweru.

Luka 16:8 ပူးပေါင်းရင်းမြစ်များ

Chiyambo 3:1

Sono njoka yenga yakuchenje kwakuruska chamoyo chose chamu dondo cho Ambuya Chiuta wanguchita. Yinguti ku munthukazi, “Kumbi Chiuta wanguti, ‘Mungarghangapo cha vipasi vya muti we wose wamu munda wo’?”

2 Samuele 13:3

Kweni Amunone wenga ndi bwezi, yo zina lake lenga Yonadabu, mwana munthurumi waku Shimea, mbali waku Davidi; Yonadabu wenga munthu muchenjezi ukongwa.

2 ŴaKaronga 10:19

Chifukwa cho sono ŵadaniyeni kwangu ŵamchimi wose ŵaku Bala, ŵakumsopa ŵake wose, ndi ŵazukuru ŵake wose, pawulevi wakusoŵeka, pakuti ndendi sembe yikuru kupereka kwaku Bala, ndipo yose yo warekenge kuŵapo kuti wakajanga wamoyo cha.” Kweni Yehu wanguchita ichi ndi uchenjezi alinga waŵamare wose ŵakusopa Bala.

Sumu 17:14

ku ŵanthurumi ndi janja linu, A Chiuta, ku ŵanthurumi wo chigaŵa chawo mbumoyo wamu charu ichi. Mphanyi nthumbu yawo mwayizaza ndi vyo imwe mwaŵaŵikiya; ŵana ŵawo ŵagute kwakurutizga; mphanyi malitema ghawo ŵaghasiriya vyo iwo ŵasiyako.

Chituwa 1:10

Tiyeni tichite nawo kwakuchenje, vinu ŵangandana. Asani yatiwiya nkhondo, ŵakajisazganga ku ŵakupindikana ŵidu, ndipo ŵakarwanga nafwe; ndi ŵakathaŵangamo mu charu ichi.”

Nthanthi 12:8

Munthu warumbika kwakuyana ndi chinjeru chake chamampha, kweni mweniyo ngwa muwongo wakulandizga wasekeka.

Mateyu 12:32

Ndipo yose yo wanganena mazu ghaheni pa Mwana wa munthu, kugowokelekiyenge iyo; kweni yose yo wangakamba pa Mzimu Wakupaturika yo, kuti kugowokelekiyenge iyo cha, chingana ndi mu umoyo uno, chingana ndi mwaku wo utuza.

Mateyu 17:26

Ndipo penipo wanguti, “Ku ŵalendo,” Yesu wanguti kwaku iyo, “Viyo ipo ŵana mbanangwa!

Luka 16:10

“Yo ngwamagomekezgeka mu chimana, ngwamagomekezgeka mu chikuru so: ndipo yo ngwambura urunji mu chimana, mu chikuru nacho ngwambura urunji.

Luka 16:4

Ndiziŵa cho ndichitenge, alinga kuti, penipo ndingatuzgika mu ulinda wo, ŵangandironde mu nyumba zawo.’

Luka 16:7

Pavuli po wangumunene munyake, ‘Ndipo iwe wateuwako uli unandi?’ Ndipo iyo wanguti, ‘Myeso machumi pe chumi ya trigu.’ Wangumunene, ‘Jitole ŵakalata ŵako, ndi lembapo machumi ghankhonde ndi ghatatu.’

Luka 18:6

Kweni Mbuya wanguti, “Pulikizgani chenicho watiti mweruzgi wambura urunji.

Luka 20:34

Ndipo Yesu wanguŵanene, “Wana wo ŵa mgonezi uwu ŵato ndipo ŵatoreskeka;

Luka 20:35

kweni wo ŵatenereskeke kwachifikako ku mgonezi wuwa ndi ku chiyuka cha ŵakufwa, kuti ŵato cha, chingana nkhuti ŵatoreskeka cha;

Yohane 12:36

Mweche nako kungweruka, vwanani mu Kungweruka ko, alinga kuti muŵe ŵana ŵa Kungweruka.” Wanguti warongoro yagha Yesu, wanguruta ndi wangubisama kutuwako kwaku wo.

1 ŴaKorinte 3:18

Paŵevi wakujifuvya. Asani munthu mwaku imwe watijipima kuti ngwazeru mu mgonezi uwu ikuwaŵe wakupusa, alinga kuti waŵenge wazeru.

ŴaEfeso 5:8

chifukwa kali mwenga mu mdima, kweni sono mwe kungweruka mu Mbuya: yendani ulaka mbana ŵa kungweruka

ŴaFilipi 3:19

Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi.

1 ŴaTesalonika 5:5

chifukwa mose mwe ŵana ŵa kungweruka, ndi ŵana ŵa msana: kuti te ŵa usiku, chingana mbamdima cha.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.