Luka 16:17 - Tonga Bible 1986

¹⁷ Kweni nkhuyuyu kuti kuchanya ndi pasi virute, kwakuruska kuti kadonthu ka langulu lo kangapereŵe.

Luka 16:17 ပူးပေါင်းရင်းမြစ်များ

Yesaya 40:8

Uteka ufota, luŵa lisanduka; kweni mazu ghaku Chiuta widu ghakamanga muyaya.

Yesaya 51:6

Soskiyani maso ghinu kuchanya, lereskani kusi kwa charu chapasi, pakuti machanya ghakawalanga uli ndi usi, charu chapasi chikachujukanga uli nchivwalo, ndipo ŵeniwo ŵaja mwaku cho ŵakafwanga uli mbuzuzu; kweni utaski wangu ukaŵanga wa muyaya, uwombozi wangu kuti ukamaranga cha.

Mateyu 5:18

Nadidi ndikuneniyani, mpaka kuchanya ndi panupasi virutenge, kweni kalembo kamoza kamwenga kadonthu kamoza kuti kangaruta cha kamu chilangulu, mpaka penipo vyose vyafiskika.

Luka 21:33

Kuchanya ndi panupasi virutenge; kweni mazu ghangu kuti gharutenge cha.

ŴaRoma 3:31

Viyo ndi chivwanu tiwayuwa chilangulu kumbi? Kungaŵanga viyo cha! Kweni tikhozga chivwanu.

1 Petro 1:25

kweni nenedu lo la Mbuya lijaririya muyaya.” Ndipo lenili ndi nenedu lenilo litaulikiya kwaku imwe.

2 Petro 3:10

Kweni zuŵa lo la Mbuya likazanga uli ndi munkhungu, mwaku lenilo zuŵa machanya gho ghamkungunuka ndi mphomu yikuru, ndi visina vyakunyeka vyamsongonoka, ndipo charu ndi nchitu zamwake vyazamukufya.

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Chivumbuzi 21:1

Ndipo ndinguwona kuchanya kufya ndi charu chifya: chifukwa kuchanya kwakudanga ndi charu chakudanga vyarutapo, ndipo kwengavi so nyanja.

Chivumbuzi 21:4

Ndipo waleskengeko sozi lose ku maso ghawo, ndi nyifwa kuti yikaŵangapo so cha; chingana nchitenje, chingana ndi nkhuta, chingana mburwirwi, kuti vikaŵangapo so cha: chifukwa vyakudanga vyo vyarutapo.”