Luka 16:15 - Tonga Bible 1986

¹⁵ Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

Luka 16:15 ပူးပေါင်းရင်းမြစ်များ

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

Nthanthi 21:2

Nthowa yose ya munthu njamampha mu maso gha mweneko, kweni Ambuya ŵapima mtima.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Nthanthi 16:5

We yose mweniyo ngwakujikuzgangwa ukazuzi ku Ambuya; ziŵiska kuti warekenge kulangika cha.

Machitidu gha Ŵakutumika 15:8

Ndipo Chiuta, mziŵamtima, wanguŵasimikizgiya pakuŵapaska Mzimu Wakupaturika, uli nkhwaku ifwe;

1 Petro 3:4

kweni munthu yo wakubisama mu mtima, watenere kadghoŵedu kambura kuwo, ka mzimu upovu ndi wachisisi, wo pa maso ghaku Chiuta ngwakuzirwa ukongwa.

Luka 11:39

Ndipo Mbuya wagumunene, “Sono imwe mwaŵaFarisi muphoto kubwaro ko kwa jomera ndi kwa mbali; kweni mukati mwinu muzala kufyonkhonyo ndi uheni.

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

Luka 10:29

Kweni iyo, pakukhumba jujirunjiska, wanguti kwaku Yesu, “Ndipo ndi yani mwanase wangu?”

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

ŴaRoma 3:20

Chifukwa kuti kuchiri ku nchitu za chilangulu paŵengevi kurunjiskika munthu wamoyo pa maso pake: pakuti mu chilangulu mwe mziŵiru wa ulakwi.

Yohane 2:25

chifukwa iyo wanguziŵa wose, ndipo kuti wangukavuka cha kuti yumoza wasimikizge pa munthu; chifukwa mwenecho waziŵanga cho chenga mu munthu.

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Luka 18:21

Kweni wanguti iyo, “Vyenivyo vyose ndasungirizga kutuwa ku uhurwa wangu.”

Nthanthi 20:6

Ŵanthu ŵanandi ŵamemeza kujithereska kwa ŵeneko, kweni munthu wamagomekezgeka njani wangabowozga?

Luka 18:11

Yo mu Farisi wakusoka warombanga viyo kwaku yija, ‘A Chiuta, ndiwonga imwe, kuti nde nge mbakujapo ŵa ŵanthu cha, ŵalikwanukwanu, ŵamburu urunji, ŵarowozi, pamwenga napo nge ndi mwenuyu wamsonkho.

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

2 Mikoka 6:30

imwe mumuvwe kuchanya ko ku malo ghinu ghakujamo, mumugowoke; mugaŵiye we yose kwakulingana nge ndimo muziŵiya mtima wake, ndi mendedu ghake (pakuti imwe mwija ndimwe muziŵa mitima ya ŵana ŵa ŵanthu);

Machitidu gha Ŵakutumika 1:18

(Ndipo mweniyo wangujiguliya kacharu ndi mphotu ya uwuraurunji wake; ndipo pakuwa pasi kasindira mutu, wanguphumuka mukati, ndi matumbo ghake ghose ghangupunguka.

Luka 20:47

wo ŵakampha nyumba za vyoko, ndipo mu munguni ŵarombe kwathaliku; yaŵa ŵarondenge chisusa chakuruska.”

Luka 20:20

ndipo ŵangumkhazga ndi ŵangutuma ŵaskoli wo ŵangujiŵikamo kuŵa ŵarunji, alinga kuti ŵamko ndi mazu ghake, viyo kuti ŵampereka ku cheruzgu ndi ku mtufu wa nduna.

Mateyu 6:16

“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo.

Mateyu 6:5

“Ndipo penipo uromba, ungaŵanga nge mbakufuvya cha; pakuti ŵatanja kuma ndi kuromba mu masinagoge ndi mu ndekanu za miseu, kuti ŵawoneke ku ŵanthu. Nadidi ndikuneniyani, ŵaronda mphotu yawo.

Mateyu 6:2

“Penipo uchita wezi, ungakuŵanga mbata cha paurongo pako, uli ndimo ŵachitiya ŵakufuvya mu masinagoge ndi mu zinthowa alinga kuti ŵarumbike ndi ŵanthu. Nadidi ndikuneniyani, ŵaronde mphotu yawo.

Malaki 3:15

Kwamba le titeska kuti ŵakujikuzga mbakutumbikika. Wo ŵachita uheni ŵasakata, ndipo penipo ŵamwesa Chiuta ŵaphokwa.’ ”

Sumu 49:18

Nanga watijiwona kuŵa wakukondwa, po weche ndi umoyo, ndipo nanga munthu waronde vitumbiku pakujichitiya umampha iyo mweneko,

Sumu 49:13

Iyi ndi nthowa yaku wo ŵendi chigomezgu chakupusa, nchigoti chaku wo ŵatijikondweska ndichigaŵa chawo.

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

Sumu 10:3

Pakuti muheni watijikuzga mu makhumbo gha mtima wake, ndipo munthu wa mbunu ndi chanduwu wanyoza ndi kutuka Ambuya.

Luka 18:9

Ndipo so wangukambiya ntharika yeniyi ku ŵanyake wo ŵangugomekezga mwaku ŵija kuti ŵenga ŵarunji, ndi ŵanguyuyuwa ŵakujapo:

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Machitidu gha Ŵakutumika 1:24

Ndipo ŵanguromba, ŵakuti, “Imwe, Ambuya, mwaŵakuziŵa mitima yaku wose,

ŴaRoma 8:27

ndipo yo wapenja mu mitima waziŵa maphweredu gha Mzimu, pakuti kwakuyana ndi khumbu laku Chiuta waninizikiya ŵakupaturika.