Luka 15:24 - Tonga Bible 1986

²⁴ pakuti uyu mwana wangu wenga wakufwa, ndipo wawere ku umoyo; wenga wakutayika, ndipo wabowozgeka.’ Ndipo ŵangwamba kukondwere.

Luka 15:24 ပူးပေါင်းရင်းမြစ်များ

Chiyambo 45:28

ndipo Yisraele wanguti, “Mphenapa, Yosefe mwana wangu ngwamoyo, ndirutenge kwachimuwona, ndenga ndindafwe.”

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Yesaya 66:11

alinga monkhe ndi kukhorwa ndi naŵe gha ghasangaruska, kuti mumwe ukongwa ndi kukondwa kwakutuwa ku kuzala kwa unkhankhu wake.”

Ezekiele 34:16

Ndipenjenge yakusoŵa, ndiwezgenge yakuranda, ndimangenge bala lakuyo yapwetekeka, ndikhomeskenge yakutomborika, ndipo ndikayiphwerenga yakututuŵa ndi yanthazi, ndikaziliskanga mu cheruzgu.

Ezekiele 34:4

Wakutomboroka kuti mwaŵapaska nthazi cha, ŵakutama kuti mwaŵachizga cha, ŵakujipweteka kuti mwaŵamangapo mabala cha, ŵakuranda kuti mwaŵawezge kuvuli cha, ŵakusoŵa kuti mwaŵapenja cha, ndipo mwaŵausa mu kuŵakanchizga ndimu ukari.

Mateyu 8:22

Kweni Yesu wangunena nayo, “Rondo ine, uŵaleke ŵakufwa kuŵika ŵakufwa ŵaku ŵija.”

Marko 8:22

Wanguza ku Betesaida. Ndipo wangumtole wachiburumutiya wangumuŵeyere kuti wamukwaske.

Luka 10:19

Awonani ndakupaskani mtufu wakuphwatiya pa zinjoka ndi vipiriri, ndi pa nthazi yose ya mphindikwa: ndipo palive kanthu kose.

Luka 15:23

ndipo toni tholi lakututuŵa, kabayeni, ndipo tirghe, tikondwenge:

Luka 15:25

“Kweni mwana wake mura wenga mu munda: ndipo wachiza ndi kuŵandika ku nyumba yo, wanguvwa kumba ndi kuvina.

Luka 15:32

Kweni kungwenere kukondwere ndi kumwemwete: pakuti uyu mhurwa wako wenga wakufwa, ndipo wawere mu umoyo; wenga wakutayika, ndipo wabowozgeka.’ ”

Luka 15:4

wakuti, “Munthu njani mwaku imwe, yo we nazo mberere machumi pe chumi, ndi wataya yimoza yaku zo, wareka kusiya machumi ghankhonde ndi ghanayi pachanya nkhonde ndi zinayi mubozwa ndi kuruta pavuli pa yakutayika yo, mpaka wangayibowozga?

Luka 19:10

Chifukwa Mwana wa munthu wakuziya kwachipenja ndi kwachitaska chakutayika cho.”

Luka 9:60

Kweni wanguti kwaku iyo, “Reka ŵakufwa wo kuŵika ŵakufwa ŵaku ŵija; kweni iwe ruta memeza ufumu waku Chiuta.”

Yohane 11:25

Wangumnene Yesu, “Ine ndine Chiyuka ndi Umoyo; wakuvwana mwaku ine, chingana wangafwa, waŵenge wamoyo,

Yohane 5:21

Chifukwa uli ndimo Dada wayuskiya ŵakufwa ndi kuŵasanduska ŵamoyo, viyo Mwana nayo waŵasanduskenge ŵamoyo ŵeniwo wakhumba.

ŴaRoma 11:15

Chifukwa asani kutayika kwawo kwaŵiya kwanjaniska kwa charu kwaku Chiuta, kurondeka kwaku wo kuŵiyenge chine? Kweni umoyo kutuliya ku ŵakufwa.

ŴaRoma 12:15

Kondwani pamoza ndi ŵakukondwa; tenjeni pamoza ndi ŵakutenje.

ŴaRoma 6:11

Viyo namwe mujipime ŵakufwa kuchiri ku ulakwi, kweni ŵamoyo kuchiri kwaku Chiuta mwaku Kristu Yesu.

ŴaRoma 6:13

Ndipo viŵaru vinu mungavipereka cha ku ulakwi nge ndi vitataliru vya uwura-urunji; kweni mujipereke kwaku Chiuta, nge mbamoyo ku ŵakufwa, ndi viŵaru vinu nge ndi vitataliru vya urunji kwaku Chiuta.

ŴaRoma 8:2

Chifukwa langulu la Mzimu wa umoyo mwaku Kristu Yesu landifwatuwa ku dangu lo la ulakwi la nyifwa.

1 ŴaKorinte 12:26

Ndipo asani chiŵaru chimoza chikomwa, viŵaru vyose vikomwe pamoza nacho; asani chimoza chirumbika, viŵaru vyose vikondwere pamoza nacho.

ŴaEfeso 2:1

Imwe namwe mwenga ŵakufwa mu mamphuru ndi maulakwi,

ŴaEfeso 2:5

teche ŵakufwa ifwe mu mamphuru, wangutichita ŵamoyo pamoza ndi Kristu iyo (ndi wezi mwataskika),

ŴaEfeso 5:14

Viyo watiti, “Yuka iwe, wakura tulo, ndipo yukanga ku ŵakufwa, ndi wakuwaliyenge Kristu.”

ŴaKolose 2:13

Ndipo imwe, mwaŵakufwa mu mamphuru ndi uura muchinju wa liŵavu linu, wangumuchitiyani imwe ŵamoyo pamoza nayo, pakutireke mamphuru ghidu ghose;

1 Timote 5:6

Kweni cho chitechitechi chafwa cheche chamoyo.

Yuda 1:12

Ŵenaŵa ndi maŵanga gha kufipa mu madghera ghinu ghachanju, pakurghiya pamoza namwe ŵajariska kwambura wofi: mitambo yambura maji, yakuyungwiskika ndi zimphepu; miti yachihanya yambura vipasi yakufwa kaŵi, yakuzgulika;

Chivumbuzi 3:1

“Ndipo ku mungelo wa mpingu wamu Sardisi ulembe: ‘Vyenivi watiti mweniyo we nawo ŵazimu ŵankhonde ndi ŵaŵi ŵaku Chiuta, ndi nyenyezi nkhonde ndi ziŵi. “ ‘Ndiziŵa nchitu zako, we nalo zina lakuti we wamoyo penipo we wakufwa.