Luka 15:20 - Tonga Bible 1986

²⁰ Ndipo wangusoka, wanguza ku wiske. Kweni weche kutari iyo, wiske wangumwona, ndi wanguzazika ndi chitima, ndipo wakuchimbiya wanguwa pa khosi lake, ndi wangufyofyontha.

Luka 15:20 ပူးပေါင်းရင်းမြစ်များ

Chiyambo 33:4

Kweni Esau wanguchimbiya kwachikumana nayo, ndi wangumuvumbatiya, ndipo wangumuvumbatiya, ndipo wangukotamiya pa khosi lake ndi wangumufyofyontha, ndipo wanguliya.

Chiyambo 45:14

Sono wangukotamiya pa khosi la mhurwa wake Benjamini ndi wanguliya; ndipo Benjamini wanguliya pa khosi lake.

Chiyambo 46:29

Sono Yosefe wangurongoso gareta lake la ufumu ndi wanguruta kwachikumana ndi Yisraele awiske mu Gosheni; ndipo wanguliriya pa khosi lake kwa nyengo yitali.

2 Samuele 14:33

Penipo Yoabu wanguruta ku karonga, kumunene; ndipo wangudana Absalomu. Viyo wanguza, wangukotama chisku chake pasi pauronga pa karonga; ndipo karonga wangumufyofyontha Absalomu.

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Yesaya 49:15

“Kumbi munthukazi wangaruwa mwana wake wakonkha, kuti wareke kuŵa ndi chitima pa mwana wa chibali chake?” Inya yaŵa ŵangaruwa kweni ine kuti ndikuruwenge cha.

Yesaya 57:18

Ndawona nthowa zake, kweni ndikamuchizganga; ndikamurongozganga, ndi ndikamuwezgiyanga kusangaruka, kuŵachitiya ŵakumutenje chipasi cha milomo yo.

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Luka 15:19

Kuti ndeche wakwenere cha kutamulika mwana winu: ndichiteni nge njumoza wa ŵamphotu ŵinu.’

Luka 15:21

Ndipo mwana yo wangumunene, ‘Ada, ndalakwiya kuchanya ndi mu maso ghinu: kuti ndeche wakwenere cha kutamulika mwana winu.’

Machitidu gha Ŵakutumika 2:39

Chifukwa chipanganu cho che kwaku imwe, ndi ku ŵana ŵinu, ndi kwaku wose ŵakutari, wose wo wangajidaniya Mbuya Chiuta widu.”

Machitidu gha Ŵakutumika 20:37

Ndipo kunguŵa chilirizi chikuru chaku wose, ndipo ŵanguwa pa singu laku Paulo, ndi ŵamfyofyonthanga,

ŴaEfeso 2:13

Kweni sono mwaku Kristu Yesu imwe, mwaŵakuŵa kutari kali, mwanderezgeka kufupi mu ndopa zaku Kristu.

ŴaEfeso 2:17

ndipo wanguzamtauliya chimangu kwaku imwe mwaŵakutari, ndi kwaku wo ŵakufupi: