Luka 15:15 - Tonga Bible 1986

¹⁵ Ndipo wangwachijibatika ku yumoza wa ŵamzinda ŵa charu chiya; ndipo wangumtuma ku masara ghake kuliska nguruŵi.

Luka 15:15 ပူးပေါင်းရင်းမြစ်များ

2 Mikoka 28:22

Mu nyengo ya suzgu yake wanguŵa wakunangiya-nangiya ukongwa ku Ambuya mweniyo karonga Ahazi.

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Yesaya 1:5

Chifukwa chine mukapumikiyanga-pumikiyanga, pakuti mugarukiya-garukiya? Mutu wose ngwakutama, mtima wose utufwa chipoyo.

Yesaya 57:17

Chifukwa cha kulakwa kwakukhumbira kwake ine ndingukaripa, ndingumukoso, ndingubisa chisku changu ndi ndingukaripa; kweni wangukiyakiya kuwerevuli mu nthowa ya mtima wa mweneko.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Ezekiele 16:52

Nyamuwa soni zako, chifukwa ndiwe wapepuska cheruzgu ku ŵana ŵanyako; chifukwa cha mauheni ghako, maunyakazi ghanandi gho wachita kwakuruska iwo, viyo mbakurunjika iwo kwakuruska iwe. Uchiti soni, nawe unyamuwe kulengeskeka kwako, pakuti wachitiska kuti ŵana ŵanyako ŵawoneke kuŵa ŵakurunjika.

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

Nahumu 3:6

Ndipo ndipong'enge vya uyu paku iwe ndikukudumbizga ndikukuchita kuti uŵenge chakudaŵirapo.

Malaki 2:9

viyo ndimusanduskeninga kuŵa ŵakunyozeka, ndi ŵakuyuyulika pa maso pa ŵanthu wose, kwakuyana nge ndimo mwareke kusungiya nthowa zangu, kweni mwapenevya mu chisambizgu chinu.”

Mateyu 7:6

“Mungapaska cho nchikovu ku ŵagaru cha, chingana ndi ngare zinu mungaponga paurongo pa nguruŵi zo cha, vinu zingaphwatapo ndi marundi ghawo, ndipo, pakuweko, zingakuzwa-nduwani.

Luka 15:13

Ndipo pavuli pa mazuŵa ghanandi cha mwana yo mu manaku, wanguti waunjika vyose, wanguruta ku charu chakutari, ndipo kwenikuwa wanguparghang'a chuma chake, wakujariya kwautayisi.

Luka 15:14

Ndipo wanguti wamara vyake vyose, kunguwa nja yikuru mu charu chiya; ndipo iyo wangwamba kukavuka.

Luka 15:16

Ndipo wakhumbanga kugutiskika ndi maugwemba ghenigho zarghanga nguruŵi: ndipo pengavi yumoza wapaskanga kwaku iyo.

ŴaRoma 6:22

Kweni sono mwati mwafwatulika ku ulakwi, ndi so mwati mwaŵa ŵaŵanda kwaku Chiuta, mwe nacho chipasi chinu kuya ku kupaturika, ndi umari wa umoyo wamuyaya.

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,