Luka 14:9 - Tonga Bible 1986

⁹ ndipo wachiza yo wangudana iwe ndi iyo wanenenge nawe, ‘Mundere uyu malo;’ ndipo viyo wambenge ndi soni kuto malo ghakumariya.

Luka 14:9 ပူးပေါင်းရင်းမြစ်များ

Nthanthi 11:2

Asani patuza kujikuzga pavuli patuza chilengesku; kweni pamoza ndi wakujiyuyuwa ndi zeru.

Nthanthi 16:18

Kujikuzga kudanjiya paurongo papharghaniku, ndi mtima wakujikuzga paurongo pa kuwa.

Nthanthi 3:35

Ŵazeru ŵakaharanga ulemu, kweni ŵakupusa ŵaronde chilengesku.

Luka 13:17

Ndipo wachikamba vyenivi iyo, wose ŵakupindikana nayo ŵakanyaranga; ndipo mzinda wose wamwemwetiyanga paku vyose vyaunkhankhu vyo vinguchitika nayo.

Luka 3:8

Viyo pasani vipasi vyakwenere chipe, ndipo munganda cha kunena mwaku mwaŵeni, ‘Dada te nayo Abrahamu’; chifukwa ndikuneniyani, kuti Chiuta ngwanthazi mu mya iyi kuyuskiya ŵana kwaku Abrahamu.