Luka 14:13 - Tonga Bible 1986

¹³ Kweni penipo ubika dghera, dana ŵakavu, ŵakupunduka, ŵakuganthiya, ŵachiburumutiya.

Luka 14:13 ပူးပေါင်းရင်းမြစ်များ

2 Samuele 6:19

Ndipo wangugaŵiya ŵanthu wose, khamu lose laku Yisraele, ŵanthurumi ndi ŵanthukazi, kwaku yose burunga la chiŵande thuŵi la nyama, ndi burunga la mphereska za kunika. Pavuli wose ŵanguruta, munthu yose ku nyumba yake.

2 Mikoka 30:24

Pakuti Hezekiya karonga waku Yuda wangupaska wumba nkhuzi chikwi (1,000) ndi mberere vikwi vinkhonde ndi viŵi (7,000) za sembe, ndipo mafumu ghangupaska unganu nkhuzi chikwi chimoza (1,000) ndi mberere vikwi chumi (10,000). Ŵazukuru ŵangujipatuliska ŵanandi ukongwa.

Nehemiya 8:10

Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

Nehemiya 8:12

Ndipo ŵanthu ŵanguruta kwawo kwachirgha ndi kumwa ndi kwachituma vinyake ndi kwachichita chimwemwe chikuru, pakuti ŵanguwamo mazu gho ghangutaulika kwaku iwo.

Jobu 29:13

Chitumbiku chaku yo wenga pafupi kufwa chinguza paku ine, ndipo ndinguchitiska mtima wa choko kumba ndi chimwemwe.

Nthanthi 14:31

Mweniyo wasauska munthu wakusauka watuka Mulengi wake, kweni mweniyo ngwawezi ku wakusauka watimutumbika.

Nthanthi 22:9

Mweniyo wendi jiso la lisungu wakatumbikikanga, pakuti wasangana kurgha kwake ndi ŵakusauka.

Yesaya 58:10

asani mutijikhutuwa chifukwa chawanja ndi kugutiska makhumbu gha wakuyuzgika, po ndipo ukweru winu ukayukanga mu mdima ndi mukhorwe winu ukaŵanga uli ndi msana-pakati.

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Mateyu 15:30

Ndipo kungumziya mizinda yikuru, yakuŵa nawo pamoza ŵakuganthiya, ŵachiburumutiya, ŵambuwu, ŵakupunduka, ndi ŵanyake ŵanandi, ndipo ŵanguŵapong'a pa marundi ghake; iyo wanguŵachizga;

Mateyu 22:10

Ndipo ŵachituwa ŵaŵanda ŵa ku nthowa zo wanguto wose wo ŵangusaniya, ŵaheni ndi ŵamampha: ndipo nthengwa yo yinguzara nawo ŵazowara.

Luka 11:41

Posepose paskani vyamkati nge ndi vyawezi, ndipo onani, vyose vikuŵiyani vyakuphotoleka.

Luka 14:12

Ndipo wanenanga so ndi yo wangumdana, “Penipo ubika mrauku pamwenga njonesku, ungadananga cha mabwezi ghako, pamwenga ŵabali ŵako, pamwenga vinini vyako, pamwenga ŵanasi ŵaromba: vinu iwo nawo ŵangadana iwe so, ndipo kungakuŵiya mbwerezga.

Luka 14:14

Ndipo uŵenge wakutumbikika; pakuti ŵalive chakuwerezgiyapo kwako: chifukwa kuwerezgekiyenge kwaku iwe mu chiyuka cha ŵarunji.”

Luka 14:21

Ndipo muŵanda yo wanguza, ndipo wangutauliya mbuyake vinthu vyenivi. Sono mweninyumba, wakutundiya, wangumunene muŵanda wake, ‘Tuliya ruŵi ku miseu ndi nthowa zamu muzi, ndipo katore muno ŵakavu ndi ŵakupunduka ndi ŵachiburumutiya ndi ŵakuganthiya.’

Machitidu gha Ŵakutumika 9:39

Ndipo wangusoka Petro, ndi wanguruta pamoza nawo. Ndipo wachifika iyo ŵangumkwezga ku chipinda cha muchanya cho: ndipo vingumapo pakumzunguliya vyoko vyose, vyakutenje, ndi vyakurongo maraya ndi minjirira yo yose wasonanga Dorka, weche nawo pamoza.

Marangu 14:29

ndipo muLevi, chifukwa walivi chigaŵa pamwenga chihara pamoza namwe, ndi mlendo ndi mranda wambura wiske, ndi choko wo ŵemu mizi yinu, ŵazirghenge ndi kuguta, mwakuti Ambuya Chiuta winu wamutumbikeni mu mlimu wose wa manja ghinu wo muchita.

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

Marangu 16:14

Mutenere kukondwa pakurgha dghera linu, imwe ndi mwana winu munthurumi ndi mwana winu munthukazi, wanchitu winu munthurumi, ndi wanchitu winu munthukazi, muLevi mlendo, wambura awiske, ndi choko wo ŵemu mizi yinu.

1 Timote 3:2

Viyo kutenere mura kuŵa wambura kalema mrumi wa munthukazi yumoza, mkanavinyo, wakujitintha, mkongorekwa, mwanja ŵalendo, warwana kusambizga;

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

Tito 1:8

kweni mwanja-ŵalendo, mwanja umampha, wa vinjeru, murunji, mkhovu, wakujitintha;

Filemone 1:7

Chifukwa ndenga ndi chimwemwe chikuru ndi kusangaruka pa chanju chako, pakuti mitima ya ŵakupaturika yasisipuskikiya mwako, mbali.

ŴaHebere 13:2

Mungaruwirizga kwanja ŵalendo nako; chifukwa viyo ndimo ŵanyake ŵangurondere ŵangelo ŵakuseŵe nawo kwambura kuŵaziŵa.