Luka 12:42 - Tonga Bible 1986

⁴² Ndipo Mbuya wanguti, “Njani na mlinda yo wamagomekezgeka ndi wazeru, mweniyo mbuyake wamikenge pa mbumba yake kwachipaska kamba mu nyengo yakwene?

Luka 12:42 ပူးပေါင်းရင်းမြစ်များ

ŴaHebere 13:17

Vwiyani ŵarongozgi ŵinu, ndipo ŵatheriyeni: chifukwa iwo ŵalindiya pa chifwa cha mizimu yinu, uli mbeniwo ŵamkamba likonkhoska; alinga ŵalichite ndi chimwemwe, ndipo ndi kudinginika cha: chifukwa chenichi chingaŵiya imwe chambura chanduku.

ŴaHebere 13:7

Kumbukani ŵarongozgi ŵinu, ŵeniwo ŵangukamba namwe mazu ghaku Chiuta, ghanaghanani ndi vipasi vya umoyo wawo, mwezge chivwanu chawo.

2 Timote 4:2

memeza mazu; pamphuka mu nyengo yamampha ndi mu nyengo yiheni; panikizga, chenya, chiska mu chilekerezga chose ndi chirunguchizgu.

1 Timote 5:17

Ŵara wo ŵateruzga kaunthu ŵenereskeke thumbiku lakuwerezga, viŵi-viŵi wo ŵatakatakiya mu mazu ndi chisambizgu.

1 Petro 4:10

uli ndimo munthu yose warondere chawezi, teŵetiyanani ndi chenicho, nge mbateŵeti ŵeneko ŵa wezi wa mtundumtundu waku Chiuta.

Tito 1:7

Chifukwa mlereze watenere kuŵa wambura masumulika, wachiwawa cha, wambembe cha, mwanduzi vyasoni cha;

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Mateyu 20:8

Kweni ghati ghaŵa mazuro, mwenimunda wangumunene mlinda wake, ‘Dana ŵanchitu, uŵalipire mphotu, kwanda ku ŵakumariya mpaka ku ŵakudanga.’

Ezekiele 34:3

Muturgha mafuta, mutijivwarika vyakuwolofoka, mubaya vyakututuŵa kweni kuti muliska mberere cha.

Yesaya 50:4

Ambuya Chiuta andipaska ine lilime laku wo ŵasambizga, alinga kuti ndiziŵenge kumusangaruska ndi mazu yo ngwakuvuka. Mlenji ndi mlenji wayuska gutu langu kuvwa uli ndi wo ŵasambizgika.

Nthanthi 15:23

Kwamuka kwaruŵi ndi likondwa ku munthu, ndipo mazu mu nyengo yake, kuti nkhunozga cha!

ŴaHebere 3:5

Ndipo Mosese nadi wenga wamagomekezgeka mu nyumba yake yose nge ngwakuteŵeta, kuti waŵe kaboni waku vyo vitakambikanga;

1 Timote 3:15

kweni asani ndiziulika, alinga kuti ungaziŵa mo kutenere kujariya mu nyumba yaku Chiuta, yeniyo ndi eklesiya laku Chiuta Wamoyo, mzati ndi chijarikiru cha uneneska.

Luka 7:13

Ndipo wachichiona Mbuya, wanguchichitiya chifundu, ndipo wanguchinene, “ungaliyanga.”

Mateyu 13:52

Ndipo wanguti kwaku wo, “Chifukwa chenichi mlembi yose yo wasambizgika vya ufumu wakuchanya ngwakukozgana ndi munthu mweninyumba, yo watuzga mu mbiku yake vifyandi vyakale.”

Yeremiya 23:4

Ndikamikanga ŵaliska ŵeniwo ŵakaŵaphwerenga, ndipo ndi kuti ŵakaŵanga ndi mantha cha, chingana nkhudika nthazi; chingana nkhusoŵapo nanga njumoza nako so cha, atiti Ambuya.

Nthanthi 27:18

Mweniyo waphwere chimuti cha mukuyu wakarghanga chipasi chake, ndipo mweniyo wavikiriya mbuyake wakatumbikikanga.

Nthanthi 31:15

Wayuka kweche mdima ndipo warongosole kurgha ŵamu nyumba yake, ndi kugaŵiya zinchitu ŵa mwali ŵake.

Luka 7:19

Ndipo wakujidaniya ŵangana ŵaŵi ŵa ŵasambizi ŵake, Yohane wanguŵatuma ku Ambuya, wakuti, “Kumbi imwe ndimwe yo watuza, pamwenga tilereziyenge munyake?”

Luka 12:43

Ngwamwaŵi muŵanda yuwa mweniyo mbuyake, wachiza, wamsaniyenge wakuchita viyo.

Chituwa 36:4

viyo kuti ŵamisiri wose wo ŵachitanga nchitu pa nyumba yakupaturika ŵanguza, we yose kutuwa ku nchitu yo wachitanga,

Nthanthi 12:8

Munthu warumbika kwakuyana ndi chinjeru chake chamampha, kweni mweniyo ngwa muwongo wakulandizga wasekeka.