Luka 12:23 - Tonga Bible 1986

²³ Chifukwa umoyo ngwakuzungura chakurgha, ndi liŵavu ndakuzungura chivwaru.

Luka 12:23 ပူးပေါင်းရင်းမြစ်များ

Chiyambo 19:17

Ndipo ŵanguti ŵaŵatuzga, ŵanguti. “Thaŵani pozomoskani umoyo winu: mungalereskanga kuvuli cha chingana nkhuma kose mu dambo mo; thaŵiyani ku mapiri, vinu mungafya.”

Jobu 1:12

Ndipo Ambuya anguti kwaku Satana, “Wona, vinthu vyose vyo Jobu we navyo vye munthazi yako, kweni paku iyo mweneko ungaŵikangapo janja lako cha.” Viyo Satana wangutuwapo pa maso gha Ambuya.

Jobu 2:4

Satana wangwamuka Ambuya wanguti, “Khungu ku khungu! Vyose vyo munthu we navyo wakapaskanga kutaska umoyo wake.

Jobu 2:6

Ndipo Ambuya anguti kwaku Satana, “Ehe, we mu nthazi yako, kweni umoyo wake pe ndiwo uwureke.”

Nthanthi 13:8

Thumba lakuwombole umoyo wa munthu mburomba wake, kweni munthu wakusauka walivi nthowa yakuwombokwe.

Luka 12:22

Ndipo wanguti ku ŵasambizi ŵake, “Chifukwa chenichi ndikuneniyani, mungakweŵeke umoyo winu, chenicho mungargha; chingana nkhu liŵavu cho mungavwara.

Luka 12:24

Pimiyanipo ŵachahore wo, pakuti kuti ŵaseŵa cha chingana nkhuvuna, wo ŵalive chipinda chingana ndi nkhokwe; ndipo Chiuta watuŵalera: uli ukongwaku muzungura imwe viyuni vyo!

Machitidu gha Ŵakutumika 27:38

Ndipo ŵanguti ŵaguta, ŵanguyuyuska ngaraŵa pa kupangaruliya trigu mu nyanja.