Luka 12:17 - Tonga Bible 1986

¹⁷ ndipo wajipimiyanga mwaku yija, wakuti, ‘Ndichitenge chine, pakuti ndirive po nkharonganga vipasi vyangu?’

Luka 12:17 ပူးပေါင်းရင်းမြစ်များ

Wakutaula 11:2

Pereka chigaŵa ku ŵankhonde ndi ŵaŵi pamwenga ŵankhonde ndi ŵatatu, pakuti kuti uziŵa cha mbuheni wa mtundu uli uŵenge pa charu chapasi.

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Mateyu 16:7

Kweni iwo ŵapimanga mwaku ŵija, kuti, “Nchifukwa tirive kupinga chiŵande.”

Mateyu 5:42

Paska kwaku yo wakupempha, ndipo ku wakukhumba kulamba kwako, ungamukaniya cha.

Luka 10:25

Ndipo onani, wamarangu ngana wangusoka, wakumwesa, wakuti, “Msambizgi, nkhachitanga chine kuti ndihare umoyo wamuyaya?”

Luka 11:41

Posepose paskani vyamkati nge ndi vyawezi, ndipo onani, vyose vikuŵiyani vyakuphotoleka.

Luka 12:16

Ndipo wanguŵanene ntharika, wakuti, “Charu cho cha mromba ngana chingupasa umampha:

Luka 12:18

Ndipo wanguti, ‘Chenichi ndichitenge; nkhapanyuwanga nkhokwe zangu, ndipo nkhazenganga zikuruku; ndipo mwenimo nkharonganga mbutu yangu yose ndi vyuma vyangu.

Luka 12:22

Ndipo wanguti ku ŵasambizi ŵake, “Chifukwa chenichi ndikuneniyani, mungakweŵeke umoyo winu, chenicho mungargha; chingana nkhu liŵavu cho mungavwara.

Luka 12:29

Ndipo mungapenjanga cha chenicho mungargha ndi chenicho mungamwa, ndipo mungakangang'anga cha.

Luka 12:33

Saskani vyo mwe navyo, ndi paskani chawezi. Jichitiyeni vikwama vyambura kuguga, mbiku yambura kupere mu machanya, kweniko munkhungu kuti wandere kufupi cha, chingana ndi chipupuruzu kuti chitananga cha.

Luka 16:3

Ndipo mlinda-nyumba yo wangunena mwaku yija, ‘Ndichitenge chine, pakuti mbuya wangu watuzgako kwangu ulinda wo? Kuti nde ndi nthazi cha kukumba mazenji; kupempha ndilenga soni.

Luka 16:9

Ndipo ine ndikuneniyani, jichitiyeni ŵabwezi ndi chuma cha uwura-urunji, alinga kuti, penipo chingapereŵe ŵangamrondeni mu mahema ghamuyaya gho.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

Luka 19:17

Ndipo wanguti kwaku iyo, ‘Umampha, muŵanda wamampha we: pakuti mu kamanavi unguŵa wamagomekezgeka, uŵe wamtufu pa mizi chumi.’

Luka 3:11

Ndipo wakwamuka waŵaneniyanga, “Yo we ndi minjirira yiŵi wapaskeko kwaku yo walivi; ndi yo we ndi vyaukurgha, wachite kwakulingana.”

Machitidu gha Ŵakutumika 16:30

ndipo pakuŵatole kubwaro, wanguti, “Mafumu nditenere kuchita chine, kuti nditaskike?”

Machitidu gha Ŵakutumika 2:37

Ndipo ŵachivwa, ŵanguchontheka mu mtima, ndipo ŵangunene Petro ndi ŵakutumika ŵanyake, “Mwaŵanthu mwaŵabali, tichitengenji?”

ŴaRoma 12:13

muŵe ŵakusangana nawo mu maukavu gha ŵakupaturika; ŵakutakatakiya wezi ku ŵalendo.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

1 Yohane 3:16

Mwaku chenichi tiziŵiya chanju, mwakuti Yuwa wanguŵikiya pasi umoyo wake pa chifwa chidu: ndipo titenere ifwe kuŵikiya pasi maumoyo ghidu pa chifwa cha ŵabali wo.