Luka 11:36 - Tonga Bible 1986

³⁶ Asani viyo liŵavu lako lizirima ndakuŵala, lambura chigaŵa chimoza chamdima, liŵenge lakuŵala kosekose, uli mphenipo nyali ndi uŵali wake yikuŵaliya.”

Luka 11:36 ပူးပေါင်းရင်းမြစ်များ

Nthanthi 1:5

munthu wa zeru nayo wavwe ndi wakuskiyeko masambiro, ndi munthu wakuwamo wapenje umisili,

Nthanthi 20:27

Mzimu wa munthu ndi nyali ya Ambuya, kupenja mu viŵalu vyake vyose vya mukati ukongwa.

Nthanthi 6:23

Pakuti dangu ndi nyale mbukweru, ndipo kuchenjezga pakuvwiya ndi nthowa ya umoyo,

Yesaya 42:16

Ndipo ndikarongozganga ŵachiburumutiya mu nthowa yo ŵalivi kuyiziŵa, mu tunthowa to ŵalivi kutuziŵa kale ndikaŵarongozganga. Ndikasanduskanga mdima wa paurongo pa wo kuŵa ukweru, malo ghavibokuboku kuŵa ghakunyoroka. Ivi vinthu ndi vyo nkhachitanga, kuti nkhavirekanga cha.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Mateyu 13:52

Ndipo wanguti kwaku wo, “Chifukwa chenichi mlembi yose yo wasambizgika vya ufumu wakuchanya ngwakukozgana ndi munthu mweninyumba, yo watuzga mu mbiku yake vifyandi vyakale.”

Mateyu 5:15

Chingana nkhuti ŵanthu ŵakozga limbuni ndi kuliŵika kusi ku mwesu cha, kweni pa chikolerunyali; ndipo liŵaliya wose ŵamu nyumba yo.

Luka 11:35

Viyo thoŵa alinga kuti ukweru wa mwako uŵe mdima cha.

Luka 11:37

Ndipo wachirongoro, ŵaFarisi yanimweni wampenjanga kuti warauke kwake: ndipo wati wasere wanguja pasi.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

ŴaEfeso 4:14

kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi;

ŴaKolose 3:16

Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

ŴaHebere 5:14

Kweni chakurgha chakukhoma ncha ŵara, ŵeniwo mu kupiripita ŵe ndi vinjeru vyawo vyakurongosoleka kuteska chamampha ndi so chiheni.

Yakobe 1:25

Kweni mweniyo ngwakulereska mu dangu lizirima lo la wanangwa, ndi wajaririya viyo, pakuŵa wakuvwa wachiruwa cha kweni wakuchita mlimu, wa mwenuyu waŵenge wamwaŵi mu kachitidu kake.

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.