Luka 11:31 - Tonga Bible 1986

³¹ Fumukazi yaku maraŵi yamyukiya mu cheruzgu cho pamoza ndi ŵanthurumi ŵamphapu iyi, ndipo yamkuŵasuska: pakuti yingutuliya ku vigoti vya panupasi kuzachivwa zeru yaku Solomoni; ndipo wonani, wakuzungura Solomoni we panu.

Luka 11:31 ပူးပေါင်းရင်းမြစ်များ

2 Mikoka 9:1

Sono penipo fumukazi yaku Sheba yinguvwa ndi mbiri yaku Solomoni yinguza ku Yerusalemu kuzachimwesa ndi mafumbu ghanonono, yakuŵa ndi mzinda ukuru ndi ŵagamira ŵakupinga vyakununkhira ndi golide linandi, ndi mya yakuzirwa, penipo yinguza kwaku Solomoni, yingumunene vyose vyo yenga navyo mu mtima wake.

Yesaya 54:17

palivi chidya cho chapangikiya paku iwe chikachitanga kanthu, iwe ukasuskanga lilime lose lenilo litukuyukiya mu cheruzgu. Ichi nchihara cha ŵateŵeti ŵa Ambuya, ndi kurunjiskika kwawo kwakutuliya kwangu, atiti Ambuya.”

Yeremiya 3:11

Ndipo Ambuya anguti kwaku ine, “Yisraele wambura magomezgeka wajirongo kuŵa wakwananga kamanavi kwakuruska mutesi Yuda.

Mateyu 12:42

Fumukazi yaku Maraŵi yiyukenge mu cheruzgu pamoza ndi mgonezi uwu, ndipo yiususkenge; pakuti yingutuwa ku vigoti vya charu kuvwa zeru yaku Solomone; ndipo ehe, wakuruska Solomone we panu.

Luka 3:22

ndipo kungusikiya pake Mzimu Wakupaturika mu chikozgu cha liŵavu uli ndi nkhunda, ndipo kunguŵa liu kutuwa kuchanya, lakuti, “Iwe ndiwe Mwana wangu wakwanjiwa, mwaku iwe ndikondwere.”

Luka 9:35

Ndipo kunguŵa liyowozi lakutuliya mu mtambo mo, lakuti, “Uyu ndi Mwana wangu, wakutondoleka: vwaninga iyo.”

ŴaRoma 2:27

Ndipo so asi uwura-mchinju wo wa ku kawi, pakufiska chilangulu cho, weruzgenge iwe wamjumpha-dangu, chingana we ndi lembo ndi mchinju?

ŴaHebere 11:7

Ndi chivwanu Nowa, wati wachenjezgeka ndi vinthu vyo vyenga vindawoneke, kwa uwopa Chiuta wangarongoso ngaraŵa kwachitaska ŵamu nyumba yake; mwaku chenicho wanguchisuska charu, ndipo wanguŵa muhara wamu urunji wa chivwanu.