Luka 11:22 - Tonga Bible 1986

²² Kweni asani wanthazi kwaku iyo waziya pake ndi kumgoda, waphanga vidya vyake mwaku vyo wagomezga ndipo miskowu yake wagaŵa.

Luka 11:22 ပူးပေါင်းရင်းမြစ်များ

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Chituwa 15:9

Wamawongo wanguti, ‘Ndikandondoloskanga, ndikaŵakonga, ndikagaŵanga vyakuskowa, khumbo langu likagutiskikanga ndi vyenivi, ndikawewepuwanga lipanga langu, janja langu likaŵamaranga.’

Yesaya 27:1

Mu zuŵa liya Ambuya ndi lipanga lawo likhomi, likuru ndi lakulimba, akalanganga Leviathani chinjoka chakuthaŵathaŵa, Leviathani chinjoka chakunyongoroka-nyongoroka, ndipo akabayanga cha nchalinda cho che mu nyanja.

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

Luka 11:21

Penipo wanthazi yo wakuphatikiya limu walinda nyumba yake ya ufumu, viŵetu vyake vye mu chimangu.

Luka 11:23

Yo kuti ngwa pamoza nane cha, ngwakumikana nane; ndipo yo walive kuunjika pamoza nane cha, waparghang'a.

ŴaEfeso 6:11

Jiphatiyeni vidya vyose vyaku Chiuta, kuti muŵe ŵanthazi imwe kumikirana ndi mauthyanithyani gha diabolo yo.

ŴaEfeso 6:13

Chifukwa chenichi mujitole vidya vyose vyaku Chiuta, alinga kuti mungaziŵa kumikirana navyo mu zuŵa lo liheni, ndipo, mwati mwachita vyose, kuma chi.

ŴaKolose 2:15

wati wabwanganduwa maufumu ndi mitufu, wanguvirongole pakweru, pakuvipundiya mwaku iyo mweneko.

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.