Luka 10:42 - Tonga Bible 1986

⁴² kweni kwe msowu wa chimoza: ndipo Mariya watondo chigaŵa chamampha cho, chenicho kuti chituzgikengeko kwaku iyo cha.”

Luka 10:42 ပူးပေါင်းရင်းမြစ်များ

Sumu 119:111

Visimisimi vinu nchihara changu cha muyaya; ndivyo likondwa la mtima wangu.

Sumu 119:173

Nyengo yose ŵani pafupi kundovya, chifukwa ndasankha malangulu ghinu.

Sumu 119:30

Ndasankha nthowa ya ukongorekwa; malangulu ghinu ndaŵika paurongo pangu.

Sumu 142:5

Ambuya, ndiliriya kwaku imwe; Ambuya, imwe, mwe chakudingang'amo changu; phande langu mu charu cha ŵamoyo.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 27:4

Chinthu chimoza ndafumba ku Ambuya, chenicho ndicho ndikapenjanga; kuti ndijaririye mu nyumba ya Ambuya mazuŵa ghose gha umoyo wangu, kudaŵira kunozga kwa Ambuya, ndi kupenjeska mu nyumba yawo yakupaturika.

Sumu 73:25

Kumbi nde ndi yani kuchanya kweni imwe pe? Ndipo po ndendi imwe, kwe yani so munyake mu charu chapasi?

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Marko 8:36

Chifukwa kumovyengenji munthu kwanduwa charu chose, ndi kutayapo umoyo wake?

Luka 10:39

Ndipo iyo wenga nayo mhurwa wake wakutamulika Mariya, mweniyo so, wakuja pasi ku marundi ghaku Yesu, wavwanga mazu ghake.

Luka 11:1

Ndipo kunguŵa, wachiromba mu malo ghakuti, po wangureka, yumoza wa ŵasambizi ŵake wanguti kwaku iyo, “Ambuya, tirunguchizgeni ifwe kuromba, uli ndimo Yohane nayo wanguŵa runguchizgiya ŵasambizi ŵake.”

Luka 12:20

Kweni Chiuta wanguti kwaku iyo, ‘Wakupusa we, usiku uno ŵawufumbiyenge mzimu wako; ndipo vyenivyo warongoso, viŵenge vyaku yani?’

Luka 12:33

Saskani vyo mwe navyo, ndi paskani chawezi. Jichitiyeni vikwama vyambura kuguga, mbiku yambura kupere mu machanya, kweniko munkhungu kuti wandere kufupi cha, chingana ndi chipupuruzu kuti chitananga cha.

Luka 16:2

Ndipo wanguti wamdana, wanguti kwaku iyo, ‘Nchine chenichi nditukuvwiya? Wezga makani gha ulinda wako; chifukwa kuti ungaziŵa kulinda nyumba so cha.’

Luka 16:25

Kweni Abrahamu wanguti, ‘Wamwana, kumbukanga kuti unguronde vyamampha vyako mu umoyo wako, ndi Lazaro nayo viheni: kweni sone panu wasangaruskika iyo, kweni iwe urumwiskika.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

Luka 8:18

Viyo lereni mo muvwiya; chifukwa yose yo wenako kupaskikenge kwaku iyo, ndipo yose yo walive, kwaku iyo kapokekenge keniko wajipimiya kuŵa nako.”

Yohane 11:1

Kwenga murwali yumoza, Lazaro waku Betaniya, ku muzi waku Mariya ndi Marta, mkuwake.

Yohane 11:19

ndipo ŵanandi ŵa ŵaYuda ŵanguza kwaku Marta ndi Mariya, kuti ŵaŵasanguruske pa nyifwa ya mzichi wawo.

Yohane 12:3

Viyo Mariya, wanguti wato mwesu wa chema cha nardo leneko lakuzirwa, wangughapunguliya mu marundi ghaku Yesu, wangughaleska marundi gho ndi sisi lake: ndipo nyumba yo yinguzizika ndi kununkha kwa chema.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Yohane 5:24

Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

1 ŴaKorinte 13:3

Ndipo asani ndingagaŵa vyangu vyose kovya ŵakavu, asani ndingapereka liŵavu langu kuti ndocheke, kweni chanju ndirive, kuti ndanduwengepo kanthu cha.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

Marangu 30:19

Ndidanirizga kuchanya ndi charu chapasi kuchita ukaboni paku imwe msana wale, kuti ine ndiŵika paurongo pinu umoyo ndi nyifwa, thumbiko ndi thembo. Chifukwa cho sankhanipo umoyo alinga kuti imwe ndi mphapu zinu mujenge ŵamoyo,

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

Yoswa 24:22

Sono Yoswa wangunena nawo, “Mwe ŵakaboni paku mwaŵeni kuti mwasankha Ambuya kuŵateŵete iwo.” Ŵanthu ŵanguti, “Te ŵakaboni.”