Luka 1:71 - Tonga Bible 1986

⁷¹ utaski ku ŵarwani ŵidu, ndi ku janja laku wose ŵakutitinkha;

Luka 1:71 ပူးပေါင်းရင်းမြစ်များ

2 ŴaKaronga 17:39

Kweni mopenge Ambuya Chiuta winu yo waziŵa kukuwomboni ku janja la ŵakupindikana ŵinu wose.”

Sumu 106:10

Wanguŵataska ku ŵakuŵatinkha; wanguŵapozomoska ku ŵakupindikana ŵawo.

Sumu 106:47

Titaskeni, Ambuya Chiuta widu, ndipo mutituzgemo mukati mu mitundu, alinga kuti tirumbe zina lakupaturika, ndikwangara pa kumuwongani imwe.

Yeremiya 23:6

Mu mazuŵa ghake Yuda wakataskikanga, Yisraele wakajanga umamphavi ndipo ili ndilo zina wakadanikanga nalo: ‘Ambuya mburunji widu.’

Yeremiya 32:37

Ehe, ndikaŵaunjikanga kutuwa ku vyaru vyose vyenivyo ndinguŵadikiskiyako mu kukwiya ndi kukara kwangu, ndimu ukari wangu uzitu, ndikaŵawezgiyanga ku malo yagha, ndipo ndikaŵajarikanga pakukho.

Ezekiele 28:26

Ndipo ŵakajangamo kwakufwasa, ŵakazenganga zinyumba ndi kupanda mphereska. Ŵakajanga kwakufwasavi, po ndifiska vyeruzgu paku wose ŵakuzengezgana ŵawo wo ŵanguŵayuyuwa. Sono penipo ndipo ŵakaziŵanga kuti ine ndine Ambuya Chiuta wawo.”

Ezekiele 34:25

“Ndikapangananga nazo phanganu la chimangu ndi kudikiskamo vikoko mu charu, alinga kuti zije kwakufwasa mu bozwa ndi kugona mu miti.

Ezekiele 34:28

Kuti zikaŵanga so chakuliwa ku mitundu cha, pamwenga vikoko vyo vye mu charu kuti vikazirghanga cha; zikajanga kwakufwasa paŵengevi nanga njumoza yo wakazitenthemeskanga.

Ezekiele 38:8

Pavuli pa virimika vinandi ukadanikanga, mu virimika vya umari ukarutanga kumikana ndi charu cho chikuwezgeka ku nkhondo, charu cho ŵanthu ŵa mitundu yinandi ŵanguwunganamo kumikana ndi mapiri ghaku Yisraele gho ghaŵa mapopa kwa nyengo yitali; ŵanthu ŵake ŵakuwezgeka kutuwa mu mitundu ndipo sono wose pamoza ŵaja kwakufwasa.

Luka 1:68

“Warumbike Mbuya Chiuta waku Yisraele; pakuti walingapo ndi wachitiya uwombozi khamu lake.

Luka 1:74

kwachipaska ifwe, takutaskikako ku janja la ŵarwani ŵidu, titeŵetiyenge iyo kwambura kopa,

Marangu 33:29

Wakukondwa ndiwe Yisraele we! Ndiyani yo wenge ndiwe? Mwa ŵanthu ŵakutaskika ndi Ambuya. Iwo ndi nguru ya chovyo chinu, ndi lupanga la upundi winu! Ŵamawongo ŵinu ŵakazanga kunyengere imwe; ndipo mukaphwatanga pa malo ghawo ghakusopiyapo.”

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.