Luka 1:66 - Tonga Bible 1986

⁶⁶ Ndipo wose ŵakuvwa ŵangughaŵika mumtima wawo, ŵakuti, “Kaŵenge uli na kana yaka?” Pakuti so janja la Mbuya lenga nako.

Luka 1:66 ပူးပေါင်းရင်းမြစ်များ

Chiyambo 37:11

Ndipo ŵana ŵanyake ŵanguchita nayo sanji, kweni awiske ŵangusunga mu mutu cho wangukamba.

Chiyambo 39:2

Ambuya ŵenga ndi Yosefe ndipo wanguŵa munthu wakusakata; ndipo wenga mu nyumba ya mbuya wake mu Egipiti yo,

1 ŴaKaronga 18:46

Ndipo janja la Ambuya lenga paku Eliya, ndipo wangujichinyiya mu chiunu chake, ndipo wanguchimbiya panthazi paku Ahabu pa likomo la Yezerele.

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

Sumu 80:17

Ŵanthu wo mwasankha muŵakhozge ndi kuŵavikiriya, mtundu wo mukuwukuzga ndi nthazi!

Sumu 89:21

ndipo janja langu likaŵanga paku iyo nyengo yose, janja langu likamupaskanga nthazi.

Luka 1:80

Ndipo ko kana kakuwanga, ndi kadimbanga mu mzimu; ndipo kaŵanga mu mabozwa mpaka zuŵa la chirongoleka chake kwaku Yisraele.

Luka 2:19

Kweni Mariya wasungirizganga nkhani zenizi zose, kuziŵika mu mtima wake.

Luka 2:40

Ndipo kana ko kangukuwa, ndi kadimbanga, kakuzazika ndi zeru: ndipo wezi waku Chiuta wenga pake.

Luka 2:51

Ndipo wangusikiya pamoza nawo, ndi ŵangufika ku Nazarete; ndipo wenga wakuthera kwaku wo: ndipo nyina wasungirizganga makani ghose gho mu mtima wake.

Luka 9:44

“Imwe mujiŵikiye mu makutu ghinu mazu yagha; chifukwa Mwana wa munthu wakhasa kuperekeka mu manja gha ŵanthu.”

Machitidu gha Ŵakutumika 11:21

Ndipo janja la Mbuya lenga nawo: ndipo ŵanandi limu ŵanguvwana ndi ŵangung'anamukiya ku Ambuya.

ŴaKolose 1:5

chifukwa cha chigomekezgu cho chiŵikikiya imwe kuchanya. Ndipo ichi nchenicho mukuvwa kali mu mazu gha uneneska wa evangeli, wo mukuronda;

1 Samuele 16:18

Yumoza wa ŵahurwa wangwamuka wanguti, “Awonani, Ndawona mwana waku Jese waku Betelehemu; yo nchilimbi mu kumba, munthu yo ngwanthazi, ndipo ndi ngwazi ya kurwa, wa vinjeru mu kurongoro, munthu wakuma umampha; ndipo Ambuya ŵe nayo.”

1 Samuele 2:18

Samuele wateŵetanga paurongo pa Ambuya, mhurwa wakuvwala efodo wa bafuta.