Luka 1:2 - Tonga Bible 1986

² uli ndimo ŵangutipatauliya ŵeniwo kutuliya ku mtendeku ŵenga ŵakaboni ŵakuwona ndi maso, ndi ŵateŵeti ŵa mazu,

Luka 1:2 ပူးပေါင်းရင်းမြစ်များ

Marko 1:1

Chiyambo cha evangeli waku Yesu Kristu, Mwana waku Chiuta.

Marko 16:20

Kweni ŵenaŵa ŵangutuwa, ndipo ŵangumemeza kosekose, Ambuya iwo ŵakutataliya pamoza nawo, ndi ŵakukhozga mazu ndi visimikizgu vyakurondo. Ameni.]

Marko 4:14

Wakumija wamija mazu.

Luka 24:48

Imwe mwe ŵakaboni ŵa vinthu ivi.

Yohane 15:27

ndipo imwe namwe mwe ŵakoboni, pakuti mwavwa nane pamoza ku mtendeku.

Yohane 16:4

Kweni ndakukambiyani ivi, alinga kuti, penipo ora lawo laza, mukumbuke kuti ine ndingukuneniyani ndi vyenivyo. “Kweni kuti ndingukuneniyani ivi pa mtendeku cha, pakuti ndaŵanga namwe pamoza.

Machitidu gha Ŵakutumika 1:3

Kwaku wo wangujirongo so wamoyo pavuli pa kukomwa kwake, mu visimikizgu vinandi, wakuŵawoneke mu mazuŵa machumi ghanayi, ndi wakukamba vyapa ufumu waku Chiuta.

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

Machitidu gha Ŵakutumika 14:25

Ndipo ŵati ŵakamba mazu mu Perga, ŵangusikiya Ku Atalia;

Machitidu gha Ŵakutumika 16:6

Ndipo ŵangudumuwa mu charu cha Frugia ndi Galatia, pakukanizgika ndi Mzimu Wakupaturika kukamba mazu mu Asia;

Machitidu gha Ŵakutumika 17:11

Ndipo yaŵa ŵenga ŵaulemu kwakuruska ŵamu Tesalonika, wose ŵangugharonde mazu ndi pamphu lose, ndipo ŵangupenjapenjamo mu malembo zuŵa ndi zuŵa, asani vyenivivyenga vyaviyo.

Machitidu gha Ŵakutumika 26:16

Kweni yuka, ndi umiye pa marundi ghako: chifukwa chenichi ndakuwoneke, kukumika mteŵeti ndi kaboni waku vyo wandiwoniyamo ndi so waku vyenivyo ndikuonekiyengemo.

Machitidu gha Ŵakutumika 4:20

chifukwa ifwe kuti tiziŵa cha kureka kurongoro vyenivyo tawona ndi tavwa.”

Machitidu gha Ŵakutumika 8:4

Viyo ŵakumwaranika wo ŵangurutiriya, ŵakugozga mazu gho.

ŴaRoma 15:16

kuti ndiŵe ine mumirizi waku Kristu Yesu ku ŵaMitundu, wakuteŵete evangeli waku Chiuta, viyo kuti ŵaMitundu nawo ŵaŵenge mpasku wamarondeka, pakupaturiskikiya ndi Mzimu ŵakupaturika.

1 ŴaKorinte 4:1

Viyo munthu watipimiye nge mbateŵeti ŵaku Kristu, ndi ŵalindanyumba ŵa mangari ghaku Chiuta.

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

1 Petro 5:1

Viyo ndichiska ŵara ŵamwaku imwe, ine ndamura munyawo, ndi kaboni wa vyakukomwa vyaku Kristu, ndamsangazi so wa unkhankhu wakukhasa kuvumbulika:

2 Petro 1:16

Chifukwa tengavi kurondo nthanu zakunyengere, tichimziŵiskani nthazi yake ndi uzi wa Mbuyafwe Yesu Kristu, kweni tenga ŵakutimu ndi maso ukuru wake.