Luka 1:17 - Tonga Bible 1986

¹⁷ Ndipo iyo wadanjiriyenge pa maso pake mu mzimu ndi nthazi yaku Eliya, kwaching'anamuliya mitima ya ŵatate ku ŵana, ndi ŵamtafu ku vinjeru vya ŵarunji, kwachirongosole Ambuya khamu lakurongosoleka.”

Luka 1:17 ပူးပေါင်းရင်းမြစ်များ

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

1 ŴaKaronga 18:18

Ndipo wangwamuka, “Ine ndirivi kusuzga Yisraele, kweni iwe ndiwe wachita ichi, ndi nyumba ya ausu, chifukwa mukujowo malangulu gha Ambuya, mukurondo ŵa Bala.

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

2 ŴaKaronga 1:16

wanguti kwaku iyo, “Ambuya atiti, ‘Watuma mathenga kwachifumba kwaku Balazebubi chiuta waku Ekroni, kumbi nchifukwa chakuti mulivi Chiuta mwaku Yisraele kufumba iyo cho wangakamba? Chifukwa cho kuti ukasikangapo cha pachita cho ugonapo, kweni nadi ukafwanga.’ ”

1 Mikoka 29:18

Ambuya, Chiuta waku Abrahamu, Yisaki, ndi Yisraele, auskefwe, musungirizge malangulu ndi maghonoghano mu mitima ya ŵanthu ŵinu ndipo longozgiyani mitima yawo kwinu.

2 Mikoka 29:36

Ndipo Hezekiya ndi ŵanthu wose ŵangukondwa chifukwa chaku vyo Chiuta wanguchitiya ŵanthu, pakuti chinthu ichi chinguchitika kwaruŵi.

Sumu 10:17

Ambuya, imwe mukavwanga khumbo la ŵakuzika; mukakhozganga mitima yawo, mutegherezgenge gutu linu,

Sumu 111:10

Kopa Ambuya ndicho chiyambo cha vinjeru. Apaska cheruzgu chakuvwika kwaku wo wose ŵavwiya marangu ghawo. Mbakwenere kurumbika muyaya ndi muyaya.

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

Yesaya 29:24

Ndipo ŵakulakwa mu mzimu ŵakawangamo, ndipo ŵakudinginika ŵakarondanga chisambizgu.”

Amosi 4:12

“Chifukwa ichi ndimo ndichitiyenge nawe, Yisraele; ndipo pakuti ndichitenge ichi kwaku iwe, ujinozge kukumana ndi Chiuta wako, iwe Yisraele!”

Mateyu 11:14

Ndipo asani mukhumba kuwuronde, Yohane, ndiyo Eliya yo wazanga.

Mateyu 14:4

Chifukwa Yohane wamukanizganga, “Kuti kuyamu cha kuti uŵe nayo.”

Mateyu 3:3

Chifukwa mweniyo ndiyo wanguneneka ndi Yesaya mchimi yo, kuti, “Liu la wakubongo mu bozwa, Rongosoni nthowa ya Ambuya, Nyoroskani miseu yake.”

Mateyu 3:4

Kweni mweniyo Yohane wenga ndi chakuvwara chake cha weya wa gamila, ndi likwamba la chikopa lo wamanganga mu chiunu chake; ndipo chaukurgha chake chenga ŵazombe ndi uchi wamu dondo.

Luka 1:16

Ndipo ŵanandi ŵa ŵana ŵaku Yisraele waŵang'anamuskiyenge ku Ambuya Chiuta wawo.

Luka 1:76

Nawe so, wamwana, udanikenge mchimi wa wamdengwendi: chifukwa udanjiriyenge paurongo pa chisku cha Mbuya, kwachirongoso nthowa zake;

Yohane 1:13

wo ŵangupapika, ku kaŵiro ka kunthu cha pamwenga ko khumbo la munthu, kweni kwaku Chiuta.

Yohane 1:34

Ndawona ine, ndipo ndasimikizga kuti Mwenuyu ndi Mwana waku Chiuta.”

Yohane 3:28

Imwe mwaŵeni mutindipanikizga kuti ndingunena, ine kuti ndine Kristu cha, kuti ndine wakutumika paurongo pake.

Machitidu gha Ŵakutumika 10:33

Sosonukweni viyo ndingutuma kwako; ndipo wachita umampha kutifika. Viyo sono tose tiripo paurongo paku Chiuta kuvwa vyose vyo walangulikiya ndi Chiuta.”

ŴaRoma 9:23

ndipo alinga kuti waziŵiske usambasi wa unkhankhu wake pa ŵanthu wo ŵanguronde lisungu lake, ŵeniwo wangurongosole limu ku unkhankhu,

ŴaKolose 1:12

ndi kumuwonga Dada, mweniyo watenereska kuti tisangane chihara cho cha ŵakupaturika mu ukweru.

2 Timote 2:21

Viyo asani munthu wangajiphoto kwaku vyenivi, waŵenge chiyaŵi cha ku ulemu, chakupaturika, chakwanduliya, ku mweneko, chakurongosoleke nchitu yose yamampha.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

1 Yohane 2:28

Ndipo sono, mwatwana twangu, jaririyani mwaku iyo, alinga kuti, wachiwoneka, tiŵe ndi chigomezgu ndi kulengeka lilengu cha paurongo pake, pa uzi wake.

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

1 Samuele 7:5

Samuele wanguti, “Wunjikani Yisraele yose ku Mizpa, mwakuti ndikurombiyeni ku Ambuya.”