Hoseya 9:9 - Tonga Bible 1986

⁹ Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Hoseya 9:9 ပူးပေါင်းရင်းမြစ်များ

Chituwa 32:7

Ndipo Ambuya anguti kwaku Mosese, “Sika, pakuti ŵanthu ŵako, wo ungutole kuno kutuwa mu charu cha Egipiti ŵajikazuzga.

Yesaya 24:5

Charu chigona mu kukazuzgika pasi pa ŵakujamo ŵake; pakuti ŵalengeska marangu, ŵaswa panganu la muyaya.

Yesaya 31:6

Wereni kwaku iyo mweniyo imwe mwagarukako ukongwa, mwa ŵanthu mwe ŵaYisraele.

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Ezekiele 21:28

“Ndipo iwe, mwana wa munthu, chima, unene kuti, gha paku Amoni, kukambavya chisunjizgu chawo, Ambuya Chiuta atiti A! Lipanga, lipanga lawewepulikiya kubaya, lapuputika lagadima liphulika nge ndi limphezi.

Hoseya 10:9

O! Yisraele wananga kwamba mu mazuŵa ghaku Gibeya; ndipo kwenikuwa ŵarutiriya. Kumbi nkhondo kuti yiŵasaniyenge cha mu Gibeya?

Hoseya 4:9

Kukaŵanga viyo ku ŵanthu, ndi ŵazukuru, ndiŵarangenge chifukwa cha kendero kawo, ndi kuŵawezge nchitu zawo.

Hoseya 5:8

Mbani mbata mu Gibeya, ndi lipenga mu Rama. Kamburani mu Betavene; tenthema, iwe Benjamini.

Hoseya 7:2

Kweni ŵaghanaghana cha kuti ndikumbuka nchitu zawo zose ziheni. Sono milimu yawo yaŵazinga, ye pa maso pangu.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Hoseya 9:8

Mchimi ndi mlonda waku Efraimu, ŵanthu ŵaku Chiuta wangu, kweni chiŵana cha wakuthya che mu nthoŵa zake zose, ndi kutinkha mu nyumba yaku Chiuta wake.

Zefaniya 3:7

Ndinguti nadi, ‘Wakandiwopanga, wakalondiyanga visambizgu, kuti wakaruwanga cha vyose vyo ndamulanguliya. Kweni kwakuruska ukhumbiska kuvundiska milimu yawo.’

Ŵeruzgi 19:12

Ndipo mbuyake wanguti, “Kuti tingapatukiya mu msumba wa ŵalendo, wo kuti mbamoza ndi ŵaYisraele cha; kweni tikarutiriyanga mpaka ku Gibea.”

Ŵeruzgi 19:16

Ndipo awonani, doda latuwanga ku nchitu yake ku munda ndi mazuluvi, munthu uyu wangutuliya ku charu cha mitunthu chaku Efraimu ndipo wajanga mu Gibea; ndipo ŵanthu ŵa malo gho ŵenga ŵaBenjamini.

Ŵeruzgi 19:22

Ndipo po wapumuwanga ndi kufwasa mtima, ehe, ŵanthu ŵankhaza ŵamu msumba wo ŵanguzinga nyumba yo ŵakugong'oska pa khomo, ŵanguti ku mweneko wa nyumba, “Mutuzge munthu yo waza mu nyumba yako, kuti timuziŵe.”

Ŵeruzgi 20:43

Pakuŵadumuliya pasi ŵaBenjamini ŵanguŵandondoloska ndi kuŵaphwatiya pasi kwamba ku Noba kwachifika kwakutghana ndi Gibea ku vuma.