Hoseya 9:12 - Tonga Bible 1986

¹² Chingana ŵangalera ŵana, kweni ndiŵabayenge pakuti paŵengevi yumoza wakuja ndi umoyo, chitima kwaku iwo po nkhapatukangako kwaku iwo!

Hoseya 9:12 ပူးပေါင်းရင်းမြစ်များ

2 ŴaKaronga 17:18

Chifukwa cho Ambuya angukara ukongwa ndi Yisraele, ndipo anguŵatuzgapo pa maso pawo, pengavi yumoza wangujapo kweni khamu laku Yuda pe.

2 ŴaKaronga 17:23

mpaka, penipo Ambuya angumutuzgako Yisraele ku maso ghawo, nge ndimo angurongolere mu ŵateŵeti ŵawo wose ŵamchimi. Viyo Yisraele wangutuzgikamo mu charu chapa mtima wawo kuya ku Asiriya mpaka zuŵa lino.

Jobu 27:14

Asani ŵana ŵake ŵatandana, ŵatandanirana kubayika ndi lipanga, ndipo ŵazuku ŵake ŵalivi vyakurgha vyakufikapo.

Yeremiya 15:7

Ndaŵapepeta ndi chakupepete mu malikomo gha charu; ndaŵapaska chitima chanyifwa, ndaparghang'a ŵanthu ŵangu; ŵalivi kuweko ku nthowa zawo.

Yeremiya 6:8

Uchenjezgeke, Yerusalemu we, vinu ndingatuwako ine kwako; vinu ndingakuchita kuŵa mapopa, charu chambura ŵanthu.”

Chitenje 2:20

Awonani Ambuya ndipo alereskani! Ndiyani yo mwachitiya ichi? Kumbi nkhwamampha kuti ŵanthukazi ŵarghenge ŵana ŵawo, ŵana ŵeniwo ŵanguŵaphwere? Kumbi nkhwamampha kuti mzukuru ndi mchimi ŵabayikenge viyo, mu malo ghakupaturika gha Ambuya?

Chitenje 2:22

Mungudana ulaka mpha zuŵa ladghera lakutemeka, ŵakundofya zingirizgi; ndipo pa zuŵa la ukari la Ambuya pengavi wakuthaŵa pamwenga wakujapo wamoyo; ŵeniwo ndingupakata ndi kuŵalera ŵakupindikana ŵangu ŵaŵamara wose.

Hoseya 7:13

Owe, kwaku iwo; chifukwa ŵapatuka ku kwaku ine! Pharghaniko kwaku iwo chifukwa ŵagaruka kwaku ine! Ndingukhumba kuŵawombo kweni ŵatindikambiya utesi.

Hoseya 9:13

Ŵana ŵaku Efraimu mo ndaŵawone ine, ŵanozgeke kwachiŵa ŵakuskoŵeska. Efraimu watenere kurongozga ŵana ŵake ku kubayika.

Hoseya 9:16

Efraimu wapumika, musisi wawo wamira, kuti ŵapasenge vipasi cha. Chingana ŵangapapa, kweni ndibayenge ŵana ŵawo ŵakwanjiwa.

Malaki 2:12

Chifukwa cha munthu wakuchita ivi, mphanyi Ambuya atuzgamo manyi ndi kaboni, pamwenga nkhoswe, pamwenga wakuza ndi sembe ku Ambuya ŵa maŵanja, mu mahema ghaku Yakobe.

Maŵerengedu 14:34

kwakulingana ndi mazuŵa mwaku gho mungamuskore charu, inya mazuŵa machumi ghanayi, mukanyamuwanga kwananga kwinu virimika machumi ghanayi, chirimika chimoza chifukwa cha zuŵa limoza, ndipo mukaziŵanga kuchenya kwangu.’

Maŵerengedu 26:65

Chifukwa Ambuya angukamba vya paku iwo kuti, “Wakafwiyanga mu bozwa.” Pengavi yumoza waku wo wangujapo kweni Kalebe pe mwana waku Yefune ndi Yoswa mwana waku Nuni.

Marangu 28:18

Vipasi vya liŵavu linu vikatembekanga, ndi vipasi vya nyata yinu, kwandana kwa ng'ombe zinu, ndi twana twa mberere zinu.

Marangu 28:32

Ŵana ŵinu ŵanthurumi ndi ŵana ŵinu ŵanthukazi ŵakaŵanga ŵaŵanda kunyake kweniko mwakuŵawona, kweni mukatondekanga kuya kwaku wo zuŵa lose, ndipo kuti manja ghinu ghakaŵanga ndi nthazi cha kuŵataska.

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’

Marangu 32:25

Pakweru lipanga lipaskenge chitenje, ndipo mu vipinda mukaŵanga mantha kubaya munyamata ndi mwali pamoza, litema lakonkha ndi munthu mura wa nyivu.

Ŵeruzgi 4:16

Baraki wangudondoloska magareta ndi liŵanja la nkhondo ku Haroshetihagoimu ndipo liŵanja lankhondo lingumara ndi lipanga; kuti wangujapo cha munthu nanga njumoza.

1 Samuele 16:14

Viyo mzimu wa Ambuya ungutuwamo mwaku Sauli, ndipo mzimu uheni wakutuliya ku Ambuya ungumusuzga.