Hoseya 9:11 - Tonga Bible 1986

¹¹ Unkhankhu waku Efraimu uphururukiyenge kutali nge nkhayuni, kuŵengevi kubala nthumbu, ndi kuŵengevi kuzuuka!

Hoseya 9:11 ပူးပေါင်းရင်းမြစ်များ

Chiyambo 41:52

Zina la wachiŵi wangudana Efraimu, “Chifukwa chiuta wandipaska kwandana mu charu cha masuzgu ghangu.”

Chiyambo 49:22

“Yosefe ndi mphanda yakupakasa pafupi pa chisima, mphanda zake zitambarulika pachanya pa chimati.

2 Samuele 6:23

Ndipo Mikala mwana waku Sauli wengavi kupapa mwana mpaka ku zuŵa la nyifwa yake.

Jobu 18:5

“Inya, ukweru wa muheni uzimwikenge, ndi mulipu wa moto wake kuti ukaŵalanga cha.

Sumu 58:8

Ŵaŵe nge ndi nkhono yo yasongonoka; uli nkhufyoka kwa munthukazi, ko kulivi kuwona dazi.

Wakutaula 6:3

Asani munthu wabala ŵana machumi pe chumi, ndi kuŵa ndi umoyo wa virimika vinandi, ndi kuti mazuŵa ghavirimika vyake nganandi, kweni umoyo wake kuti ukondwere mu vinthu vyamampha cha, ndipo so muwunda nawo walivi, ndikamba kuti wakupapika kwambura kufikapo pa nyengo yake ngwamampha ukongwa kuruska iyo.

Yesaya 17:3

Linga likazirimitiyanga mwaku Efraimu, ndi ufumu mu Damasko, ndipo ŵakujapo ŵaSiriya ŵakaŵanga uli ndi unkhankhu wa ŵana ŵaku Yisraele, atiti Ambuya ŵa maŵanja.

Hoseya 10:5

Ŵakuja mu Samaria ŵatenthema chifukwa cha thole laku Betavene. Ŵanthu ŵake ŵamuliriyenge, ndi ŵazukuru ŵake wo ŵasopa ŵangoza ŵamutenjeriyenge, chifukwa cha unkhankhu wake wo watuwapo.

Hoseya 4:7

Kwakulingana nge ndimo ŵangwandaniyana ukongwa, ndimu so ŵangundilakwiya; ndisinthenge unkhankhu wawo kuŵa soni.

Hoseya 5:9

Efraimu wasandukenge mahame mu zuŵa lakurangika kwake; ndiziŵiska mafumu gha ŵaYisraele cho chikaŵangako nadi mukati mwawo.

Hoseya 9:14

Ambuya apaskeni, kumbi muŵapaskenge chine? Muŵapaske nthumbu yakutuzga mphapu ndi maŵe ghakumira.

Amosi 1:13

Viyo atiti Ambuya: “Chifukwa cha maulakwi ghatatu gha Amoni, ndi wachinayi, kuti ndiwezgenge kulangika kwawo cha; chifukwa ŵangupanguwa ŵanthukazi ŵanthumbu ŵaku Gileada mwakuti ŵakuzgi mphaka yawo.

Luka 23:29

Pakuti awonani ghatuza mazuŵa mwaku ghenigho ŵanenenege, ‘Vyamwaŵi vyo vyumba, ndi vibali vyenivyo vyengavi kupapa, ndi maŵe ghenigho ghengavi konkheska!’

Marangu 28:18

Vipasi vya liŵavu linu vikatembekanga, ndi vipasi vya nyata yinu, kwandana kwa ng'ombe zinu, ndi twana twa mberere zinu.

Marangu 28:57

chibali chake cho chituza pakati pa nthangala zake pavuli pakubara ŵana wo wabala. Chifukwa wakaŵarghanga ku ubendi, pakusoŵa vunthu vyose vinyake, mu kuzingika ko ndi muyuzgu weniwo ŵakupindikana ŵinu ŵakamuyuzganinga nawo mu mizi yinu.

Marangu 33:17

Nkhuzi yake ya umwali yendi uchiyembwe. Masengwe ghake ndi masengwe gha njati, ndi ghenagha wakafwenkhuliyanga ŵanthu wose, kwachifika ku vigoti vya charu chapasi. Viyo ndimo ŵalili vikwi chumi (10,000) ŵaku Efraimu, ndimo so ŵalili vikwi chumi (10,000) ŵaku Manase.”