Hoseya 9:10 - Tonga Bible 1986

¹⁰ Ndingumusaniya Yisraele nge ndi mphereska mu mapopa. Nge nchipasi chakudanga cha mkuyu, pa nyengo yake yakwamba, ndinguŵawona auskemwe. Kweni ŵanguza ku Bala-peori, ndi ŵangujipatuliya kwaku Bala, ŵanguŵa ŵakutinkhika nge nchinthu cho ŵangwanja.

Hoseya 9:10 ပူးပေါင်းရင်းမြစ်များ

1 ŴaKaronga 16:31

Ndipo kanguŵa nge nkhanthu kayuyu kwaku iyo kwenda mu mphurupuru zaku Yeroboamu mwana waku Nebati wangujitole kuŵa muwoli Yezebelu mwana waku Etbala karonga wa ŵaSidoni, ndipo, wanguteŵete Bala, ndi kumsopa.

2 ŴaKaronga 17:11

ndipo mwenimuwa ŵangocha vyachema pa malo gho ŵachitiyanga paurongo pawo. Ŵanguchita vinthu viheni, kusosomole Ambuya ku ukari,

Sumu 115:8

Wo ŵati ŵapanga ŵakozgana nawo; viyo so ndimo waliri yose wakugomekezga mwaku wo.

Sumu 81:12

Viyo ndinguŵazomerezga kuruta mu unonono wa mtima wawo, ndi kuchita vyose vyo wangukhumba.

Sumu ya Zisumu 3:6

Nchine cho chituza kutuliya ku bozwa, nge ndi mzati wa usi wakununkhira fungu la muro ndi vyakusunkhizga, pamoza ndi vyachema vyose vya ufwa wa wakuguliska?

Yesaya 28:4

ndi luŵa lake la msanduka la unkhankhu wake wakutowa, lo le pa mutu wa dambo lisambasi, likaŵanga nge ndi nkhuyu yakudanga kufya chifuku chenga chindafike: munthu wachiyiwona, watiyirgha asani ye mu janja lake.

Yeremiya 11:13

Pakuti ŵachiuta ŵinu ŵandana nge ndi mizi yinu, Yuda we; ndipo viguŵa vya sembe vyo mwazenge ku chilengesku vyandana nge ndi miseu ya Yerusalemu, viguŵa vyakochiyapo sembe kwaku Bala.

Yeremiya 24:2

Sokora yimoza yenga ndi nkhuyu zamampha ukongwa, zakukozgana ndi nkhuyu za mruwuku, kweni sokora yinyake yenga ndi nkhuyu ziheni ukongwa, ziheni zakuti zingarghika cha.

Yeremiya 3:24

“Kweni kwamba ku uhurwa widu chinthu cha soni chananga vyose vyo auskefwe ŵangugomekezga, viŵetu vyawo ndi ŵaliska ŵawo, ŵana ŵawo ŵanthurumi ndi ŵanthukazi.

Yeremiya 3:25

Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Yeremiya 31:2

Viyo atiti Ambuya: “Ŵanthu wo ŵangupozomoka ku lipanga ŵangusaniya wezi mu bozwa; penipo Yisraele wapenjanga chipumulu.

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Ezekiele 20:8

Kweni ŵangugaruka kwaku ine kuti ŵangundivwiya cha; munthu yose kuti wangutaya vinthu vyakutinkhika vyo maso ghake ghangukorokwa navyo cha, nanga nkhutaya ŵangoza ŵaku Egipiti. “Penipo ndingughanaghana kuti ndiŵapunguliye ukari wangu ndi kumarizga kukara kwangu paku iwo mukati mu charu cha Egipiti.

Hoseya 11:1

Po Yisraele wenga mwana ndingumwanja, ndipo ndingumudana mwana wangu kutuwa mu Egipiti.

Hoseya 13:5

Ndenga ine yo wangukuziŵani mu mapopa, mu charu cha chilala.

Hoseya 2:15

Kwenikuwa ndimupaskenge minda yake ya mphereska, ndi kusanduska chidika cha Akoro kuŵa khomo la chigomezgu. Ndipo kuwa wamukenge nge ndi mu mazuŵa gha umupupuka wake, ndi nge mpha nyengo yo wangutuliya mu charu cha Egipiti.

Hoseya 4:14

Ndiŵarangenge cha ŵana ŵinu ŵanthukazi ŵachichita ureŵi, chingana mbawoli ŵinu ŵachichita ureŵi; chifukwa ŵanthurumi nawo ŵapatukiya ku ŵareŵi, ndi kupereka sembe ndi ŵanthukazi ŵareŵi; ndipo ŵanthu ŵambura vinjeru ŵamupasuka.

Hoseya 4:18

Mpingu wa ŵaloŵevu, wajipereka ku maureŵi; ŵatanja kulengeskeka kwakuruska unkhankhu wawo.

Amosi 4:5

mupereke sembe zakocha zakuwonge za mtupu, ndi mpaskuwa wanangwa, ndipo muwuwandiske; chifukwa mutanja kuchita viyo, mwa ŵanthu ŵaku Yisraele!” atiti Ambuya.

Mika 7:1

Owe ine! Pakuti ndaŵa nge ndi vipasi vyo vyavunika ndi chihanya, nge ndi vipasi vyakujaliya vuli pavuna, kulivi mphereska zakurgha, kulivi nkhuyu zakwamba kufya zo ndingakhumba.

Maŵerengedu 15:39

mphonje yikakukumbuskaninga marangu ghose gha Ambuya, kuti mughavwe pa mukayidaŵiranga, mureke kupenja vyamu mtima ndi vyamu maso ghinu, vyo mwaziŵiriya kuvirondo ndi kuzerezeka navyo.

Maŵerengedu 18:13

Vipasi vyose vyakundanga kufya vyo vye mu charu chawo, vyo ŵapereka ku Ambuya vikawanga vyako; yose wambura kalema mu nyumba yako wakarghangako.

ŴaRoma 6:21

Viyo mwenga ndi chipasi chakutinji kali mwaku vyenivyo sono mulenga soni navyo? Chifukwa umari waku viya ndi nyifwa.

Marangu 32:10

“Wangumusaniya mu charu cha mapopa, ndi mukukoroma kwaŵaka kwa bozwa. Wangumuzinga, wangumuphwere, wangumusunga uli ndi mboni ya jiso.

Marangu 32:17

Ŵangupaska sembe ku viŵanda vyo kuti vyenga ŵachiuta cha, ndi ku ŵachiuta wo ŵengavi kuŵaziŵapo kale, ku ŵachiuta ŵafya wo ŵanguziyamo pavuli wo auskemwe ŵengavi kofyerwa nawo.

Marangu 4:3

Maso ghinu ghawona cho Ambuya anguchita pa Bala-peoro; chifukwa ŵanthurumi wose wo ŵangurondo Bala-peoro, Ambuya Chiuta winu wanguŵaparghang'a kuŵatuzgamo mukati mwinu;

Ŵeruzgi 6:32

Chifukwa cho pa zuŵa liya wangudanika Yerubalalo ling'anamuwa kuti, “Murekeni Bala warwani nayo,” chifukwa wangubwangaduliya pasi jochero lake.