Hoseya 8:7 - Tonga Bible 1986

⁷ Chifukwa ŵangupanda mphepo, ndipo ŵavunenge kavuruvuru. Trigu walivi mphonji, kuti wakapasanga vipasi cha. Asani wangupasa, ŵalendo ŵatinge ŵarghenge.

Hoseya 8:7 ပူးပေါင်းရင်းမြစ်များ

Chiyambo 41:23

ndi masoyo ghankhonde ndi ghaŵi ghakumira, ndi ghangunangika ndi mphepo ya kuvuma, ghangubuka pavuli paku gho,

2 ŴaKaronga 15:19

Puli karonga wa Asiriya wanguza kuzachirwa ndi charu cho, ndipo Menahemu wangupaska Puli matalente gha siliva chikwi chimoza, alinga kuti wamovye kukhozga kuŵa ndi nthazi ya ukaronga.

2 ŴaKaronga 15:29

Mu mazuŵa ghaku Peka karonga waku Yisraele Tiglatipileseri karonga wa Asiriya wanguza ndi wangukwamphuwa Ijoni, Abelbebmaka, Janowa, Kedeshi, Hazoro, Gileada, ndi Galileya, charu chose chaku Naftali, ndipo wanguyola ŵanthu umkoli ku Asiriya.

Jobu 4:8

Nge ndimo ndawone wo ŵalima kwananga ndi kuseŵa suzgu, ŵavuna vyenivyo.

Nthanthi 22:8

Mweniyo wapanda cheruzgu chizira-urunji wakavunanga soka likuru ndipo ndodo ya ukari wake yikatondekanga.

Wakutaula 5:16

Ichi nachu mbuheni wakuŵaŵa: ulaka nge ndimo wanguziya, ndimu so wakarutiyanga, kumbi wendi chanduwu uli mo wangutakatakiya mu suzgu yake,

Yesaya 17:11

chingana mungavimezga mu zuŵa lenilo mwavipandiya, ndi kuti vipasi mu mlenji weniwo mwapandiya, kweni vuna yimbininikenge mu zuŵa la chitima ndi kuŵaŵa kwambura kuchizgika.

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

Yesaya 66:15

“Pakuti ehe, Ambuya akazanga mu moto, ndi magareta ghawo nge ndi mphepo ya lirondo, kupereka ukari wowo mu ufyu, ndi kususka kwake nge nkhulipuka kwa moto.

Yeremiya 12:13

Ŵamija trigu ndipo ŵavuna minga, ŵajivuska kweni kuti ŵatopu kanthu cha, ŵakalengeskekanga ndi vuna yawo chifukwa cha ukari wakofya wa Ambuya.”

Chitenje 5:2

Chihara chidu chang'anamulikiya ku ŵalendo, nyumba zidu ku ŵamwenda nthowa.

Hoseya 2:9

Chifukwa ichi nditongeko trigu wangu mu nyengo yake, ndi vinyo wangu mu nyengo yake, ndi nkhatonga weya wangu ndi thonji langu, vyenivyo vyamubisanga nkuli yake.

Hoseya 7:9

Ŵalendo ŵamara nthazi zake, ndipo iyo kuti waziŵa ichi cha; nyivu zayoyoskeka paku iyo, kweni kuti waziŵa ichi cha.

Hoseya 9:16

Efraimu wapumika, musisi wawo wamira, kuti ŵapasenge vipasi cha. Chingana ŵangapapa, kweni ndibayenge ŵana ŵawo ŵakwanjiwa.

Nahumu 1:3

Ambuya mbachizita ku ukari ndi anthazi zikuru, ndipo kuti Ambuya afwatuwenge ŵalakwi cha. Nthowa yawo yemu kavuru-vuru ndi chimphunga, mitambo ndi fuvu la marundi ghawo.

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

ŴaGalatia 6:7

Mungarandizgika cha; kuti Chiuta wanyumbika cha: chifukwa chenicho munthu wangamija, chenicho nacho wakavunanga.

ŴaGalatia 6:8

Pakuti wakumijiya ku liŵavu lake, ku liŵavu lo wakavunanga chivuzi; kweni yo ngwakumijiya ku Mzimu, ku Mzimu yo wakavunanga umoyo wamuyaya.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;