Hoseya 8:4 - Tonga Bible 1986

⁴ Ŵamika ŵakaronga, kweni ŵakuturiya kwaku ine cha; ŵamika mafumu, kweni kwambura ine kuziŵa. Ŵapanga ŵangoza ndi siliva ndi golide wawo, kujipasuwa.

Hoseya 8:4 ပူးပေါင်းရင်းမြစ်များ

1 ŴaKaronga 12:28

Viyo karonga wanguchita upu, ndipo wanguchita mathole ghaŵi gha golide. Ndipo wanguti ku ŵanthu, “Mwakwere ku Yerusalemu nyengo yitali ukongwa: Awonani ŵachiuta ŵinu, Yisraele we, ŵeniwo ŵangukutuzgani mu charu cha Egipiti.”

1 ŴaKaronga 13:34

Ndipo chinthu ichi chinguŵa mphurupuru ku nyumba yaku Yeroboamu, mwakuti yidumulike ndi kuyiparghang'a kuyituzgako ku chisku cha charu chapasi.

1 ŴaKaronga 16:31

Ndipo kanguŵa nge nkhanthu kayuyu kwaku iyo kwenda mu mphurupuru zaku Yeroboamu mwana waku Nebati wangujitole kuŵa muwoli Yezebelu mwana waku Etbala karonga wa ŵaSidoni, ndipo, wanguteŵete Bala, ndi kumsopa.

Yeremiya 16:20

Kumbi munthu wangaziŵa kujipangiya ŵachiuta? Ŵa viyo kuti mbachiuta cha!”

Ezekiele 18:31

Tayani kutali, tuzganimo maubendezi mukati mwino gho mwachitiya ine, ndipo jitoriyeni mtima ufya ndi mzimu ufya! Mukafwiyanganji, owe nyumba yaku Yisraele?

Danyele 3:1

Karonga Nebukadanezara wangupanga chikozgu cha golide; cho msinkhu wake wenga mikono machumi ghankhonde ndi limoza (60) ndi uvimba wake mikono yinkhonde ndi umoza. Wanguchimika mu chidika cha Dura, mu charu cha Babiloni.

Hoseya 13:1

Po Efraimu wangukamba, ŵanthu ŵangutenthema; wangukuzgika mu Yisraele; kweni wangwananga chifukwa chaku Bala ndi wangufwa.

Hoseya 13:11

Ndingukupaska ŵakaronga mu ukari wangu, ndipo ndaŵatuzgako mu kandundu kangu.

Hoseya 13:2

Ndipo sono wanangiyanangiya, ndi kujipangiya vikozgu vyakusongono, ŵangoza ŵakupangika umampha ndi siliva wawo, vyose ndi nchitu ya fundi. Ŵatiti, “Perekani sembe ku ŵangoza.” Sono ŵanthu ŵa fyofyontha mathole!

Hoseya 2:8

Chifukwa wengavi kuziŵa kuti ndine ndingumupaska trigu, vinyo ndi mafuta, ndi kumwandaniskiya siliva, ndi golide, lenilo wanguchitiya Bala.

Hoseya 8:3

Yisraele wataya chamampha; murwani wamurondonge.

Mateyu 25:12

Kweni wakwamuka wanguti, ‘Ndikuneniyani, kuti ndikuziŵani cha.’

Luka 13:25

Kwanda penipo mweninyumba wangayuka, ndi wangajarako ku khomo, ndipo mungamba kuma kubwaro ndi kugong'oska chisasa cho, ŵakuti, ‘Ambuya, tijuriyeniko’; ndipo wakwamukawanenenge namwe, ‘Kuti ndiziŵa cha, kweniko mutuliya.’

Luka 13:27

ndipo wanenenge, ndikukambiyani, ‘Kuti ndiziŵa cha kweniko mutuliya; tuwaniko kwangu mose mwakuchita uchikanamarangu.’

Yohane 10:14

Ine ndine mliska mweneko.

ŴaGalatia 4:9

Kweni sono, pakuziŵa Chiuta, ndi ukongwako pakuziŵikwa ndi Chiuta, muwere uli kuvuli ku vyamtendeku viteta ndi visauchi vyo, kwaku vyenivyo mukhumba kuŵa so ŵaŵanda kachiŵi?