Hoseya 7:8 - Tonga Bible 1986

⁸ Efraimu watijisazga ndi mitundu yinyake; Efraimu nchiŵande chambura, mang'anamulika.

Hoseya 7:8 ပူးပေါင်းရင်းမြစ်များ

1 ŴaKaronga 18:21

Ndipo Eliya wanguza pafupi ndi ŵanthu wose, wanguti, “Mpaka zuŵanji mwendenge ŵakuganthiyaganthiya ndi makhumbo ghaŵi ghakupambana? Asani Ambuya ndiwo Chiuta, murundoni, kweni asani ndi Bala, iku rondoni mweniyo.” Ndipo ŵanthu kuti wangumwamuka nanga ndi mazu cha.

Ezra 9:1

Vinguti vyamara ivi, ŵara-ŵara ŵanguza kwaku ine, ŵanguti, “ŴaYisraele ndi ŵazukuru ndi ŵaLevi, ŵalivi kujipatuwa ku ŵanthu ŵa vyaru ivi ndi ku ukazuzi wawo, ku ŵaKanani ndi ŵaHiti, ŵaPerizi, ndi ŵaYebusi ndi ŵaAmoni, ndi ŵaMoabu, ndi ŵaEgipiti, ndi Amori.

Ezra 9:12

Chifukwa ichi rekani kuzomerezga ŵana ŵinu ŵanthukazi kutorana ndi ŵana ŵawo ŵanthurumi, chingana nkhuzomerezga ŵana ŵinu ŵanthurumi kuto ŵana ŵawo ŵanthukazi; mureke kupenja chimangu chingana mbusambasi wawo. Viyo muŵenge ŵanthazi, murghenge vyamampha vya charu ndi kuchisiyiya ŵana ŵinu, chiŵenge chihara chawo muyaya.

Sumu 106:35

kweni ŵangwendezgana ndi ŵamitundu ndi kusambira nthowa zawo ziheni.

Hoseya 5:13

Po Efraimu wanguwona utenda wake, ndi Yuda wanguwona chironda chake, Efraimu wanguruta ku Asiriya ndi kutuma mazu ku karonga mkuru. Kweni iyo kuti waziŵa kumuchizgani cha pamwenga kuchizga chironda chinu.

Hoseya 5:7

Wachita kwambura magomekezgeka ndi Ambuya, chifukwa ŵabala ŵana ŵachilendo. Sono mwezi ufya wakuŵalika ŵamarenge pamoza ndi minda yawo.

Hoseya 7:9

Ŵalendo ŵamara nthazi zake, ndipo iyo kuti waziŵa ichi cha; nyivu zayoyoskeka paku iyo, kweni kuti waziŵa ichi cha.

Hoseya 9:3

Kuti ŵakajanga mu charu cha Ambuya cha; kweni Efraimu wakawerenga, ku Egipiti, ndipo ŵamukurgha kurgha kuheni mu Asiriya.

Zefaniya 1:5

ndi wo ŵasopa pachanya pa nyumba, maŵanja gha kuchanya; ndi wo ŵasopa ndi kurapa ku Ambuya, ndipuuli ŵarapa Milikomu;

Malaki 2:11

Yuda waŵa wambura chigomezgu, ndipo ukazuzi wachitika mu Yisraele ndi Yerusalemu, chifukwa Yuda wananga nyumba yakupaturika ya Ambuya, yo atanja, ndipo wato kuŵa muwoli wake mwana munthukazi waku chiuta mlendo.

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.