Hoseya 7:5 - Tonga Bible 1986

⁵ Pa zuŵa la karonga widu, mafumu ghangutama ndi kufunda kwa vinyo; iyo wangutambaruwa janja lake pamoza ndi ŵakuwera.

Hoseya 7:5 ပူးပေါင်းရင်းမြစ်များ

Chiyambo 40:20

Pa zuŵa la chitatu lenilo lenga zuŵa la kawi kaku Farao wangubikiya vyakurgha ŵateŵeti ŵake wose, ndipo wangusoska mutu wa wakupereka vinyo mura ndi mutu wa wakubika mura mukati mu ŵateŵeti ŵake.

1 ŴaKaronga 13:4

Penipo karonga wanguvwa kakambidu ka munthu waku Chiuta, ko wangubongole pa chiguŵa cha sembe pa Betele, Yeroboamu wangutambaruwa janja lake kutuwa ku chiguŵa cha sembe wanguti, “Mukoni.” Ndipo janja lake, lo wangutambaruliya pake, lingumila gwa viyo kuti wangutondeka kuliwezge ku mweneko.

Sumu 1:1

Wakutumbikika ndi munthu yo kuti watenda mu fundu ya ŵaheni cha, ndi mu nthowa ya ŵakunanga kuti watuma cha, nanga ndimukuteka kwa ŵakuyeya kuti wajamo cha.

Sumu 69:12

Ŵakamba gha paku ine mu zinthowa, ndipo ndaŵa sumu za ŵakuloŵe.

Nthanthi 13:20

Mweniyo watenda pamoza ndi ŵanthu ŵazeru, wasanduka kuŵa wa zeru, kweni wakukwatikana ndi wakupusa wakapotekekanga.

Nthanthi 20:1

Vinyo ngwa kunyoza, kumwa kwakuloŵereska, kubwebweteska, ndipo mweniyo walandizgika ndi kumwa ko kuti ngwazeru cha.

Yesaya 28:1

Soka ku chilemba cha ufumu cha ŵakulowe ŵaku Efraimu, ku luŵa lake lakusanduka la unkhankhu wake wakutowa, lo le pa mutu wa dambo lisambasi laku wo mbakuloŵe vinyo!

Yesaya 28:14

Chifukwa cho vwani mazu gha Ambuya, mwa ŵankharghi, imwe muteruzga ŵanthu mu Yerusalemu!

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Hoseya 7:3

Ŵakondweska karonga ndi mauheni ghawo, ndi ŵakondweska mafumu ndi uchenjezi wawo.

Mateyu 14:6

Kweni lati lafika zuŵa la kawi kaku Herode, mwana munthukazi waku Herodiya wanguvina mukati, ndipo wangukondweska Herode,

Marko 6:21

Ndipo pakuŵapo zuŵa lakwenere, Herode pa zuŵa la kawi wanguchitiya dghera ŵara ŵake ndi nduna zake ndi ŵarongozgi ŵa ŵaGalile.

ŴaEfeso 5:18

Ndipo mungaloŵenga ndi vinyo cha, mwaku yo mwe utayisi kweni muzazike ndi Mzimu;