Hoseya 7:16 - Tonga Bible 1986

¹⁶ Ŵawere kwaku Bala; ŵakozgana ndi uta wakupusika, mafumu ghawo ghazamubayika ndi lipanga chifukwa cha nkhaza za lilimi lawo. Ichi ndicho chamukuŵa chilengesku chawo mu charu cha Egipiti.

Hoseya 7:16 ပူးပေါင်းရင်းမြစ်များ

Sumu 12:3

Ambuya achekete milomo yose yauteremusi, lilime lo lirongoro vikuru vyakujikuzga,

Sumu 12:4

ŵeniwo ŵatiti, “Ndi lilime lidu tiruskenge, milomo yidu njidu, ndiyani mbuyafwe?”

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Sumu 17:10

Walivi lisungu mumitima yawo; ndipo ndi milomo yawo ŵakamba wakujikuzga.

Sumu 52:2

Lilime lako le nge ndi lwenbe la kuthwa, iwe wakuchita utimbanizi.

Sumu 57:4

Ndigona mukati mu zinkharamu zo zendi chirghoko chakuthwazuwa ŵana ŵa ŵanthu; minyu ghawo ndi mikondo ndi mivwi, malilime ghawo ndi malipanga ghakuthwa.

Sumu 73:9

Ŵakambiya uheni Chiuta kuchanya, ndipo ŵapereka marangu gha nkhaza ku ŵanthu mu charu chapasi.

Sumu 78:37

Mtima wawo kuti unguŵa wakunyoroka cha; kuti ŵanguŵa ŵakongorekwa mu phanganu lake cha.

Sumu 78:57

ŵanguwere vuli ndi kuchita chigaruka nge mbauskeu; ŵambura magomezgeka nge ndi mivwi yakupong'eka mu uta, wakunyongoroka.

Yesaya 3:8

Pakuti Yerusalemu waguŵa, ndipo Yuda wawa; chifukwa mazu ghawo ndi nchitu zawo vilimbana ndi Ambuya, kuyuyuwa kuŵapo kwawo kwa unkhankhu.

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Yeremiya 3:10

Kweni paku vyose ivi Yuda mzichi wake phula kuti wanguwere kwangu ndi mtima wake wose cha, kweni ndi chiphamaso, atiti Ambuya.”

Yeremiya 42:18

“Viyo atiti Ambuya ŵa maŵanja, Chiuta waku Yisraele: Mwenimo kukwiya kwangu ndi ukari wangu vingupungulikiya pa ŵakuja mu Yerusalemu, viyo ndimu ukari wangu ukapungulikiyanga paku imwe asani mutiya ku Egipiti. Mukaŵanga kawerere, chakofya, thembo chakunyozeka. Kuti mughawonenge so cha malo yagha.

Ezekiele 23:32

Viyo atiti Ambuya: “Ukamwanga chandi cha muku wako cho nchakuti nyo ndi chisani; ukasekekanga ndi kuŵa wakunyozeka, pakuti mwe vinandi.

Ezekiele 36:20

Kweni po ŵanguti ŵasere mu ŵamitundu, ko kose ŵanguya, ŵangufipiska zina langu lituŵa, mwakuti ŵanthu pakuŵakamba ŵatinge, ‘Yaŵa mbanthu ŵa Ambuya, wo ŵakudikiskika mu charu chake.’

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Hoseya 11:5

Ŵakawerenga ku charu cha Egipiti, ndipo Asiriya wakaŵanga karonga wawo, chifukwa ŵakana kuwere kwaku ine.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Hoseya 6:4

Kumbi ndichitenji kwaku iwe, Efraimu? Kumbi ndichitenje kwaku iwe Yuda? Chanju chinu che nge ndi mtambo wa mlenji; ndi nge ndi dungwi lo likamuka ruŵi.

Hoseya 7:13

Owe, kwaku iwo; chifukwa ŵapatuka ku kwaku ine! Pharghaniko kwaku iwo chifukwa ŵagaruka kwaku ine! Ndingukhumba kuŵawombo kweni ŵatindikambiya utesi.

Hoseya 9:3

Kuti ŵakajanga mu charu cha Ambuya cha; kweni Efraimu wakawerenga, ku Egipiti, ndipo ŵamukurgha kurgha kuheni mu Asiriya.

Hoseya 9:4

Kuti ŵamupaska sembe za vinyo cha kwa Ambuya; ndipo kuti ŵakumukondweska iyo cha ndi sembe zawo. Chiŵande chawo chikaŵanga nge nchiŵande cha ŵakutenje; wose wo ŵakachirghanga ŵakakazuzgikanga chifukwa chiŵande chawo chiŵenge cha nja yawo pe; kuti chikaserenga mu nyumba ya Ambuya cha.

Hoseya 9:6

Chifukwa ehe, ŵaruta ku Asiriya; Egipiti waŵawunjikenge, Mefisi waŵaŵikenge mu masano. Ukasi ukataŵanga pachanya pa vyakuzirwa vyawo vya siliva, minga yiŵenge mu mahema ghawo.

Malaki 3:13

“Mazu ghinu ghaŵa ghazitu kwaku ine, atiti Ambuya. Ndipuuli mutiti, ‘Taŵereŵeta uli kumikana ndi imwe?’

Malaki 3:14

Mwakati, ‘Nchaŵaka kuteŵete Chiuta. Kumbi umampha ngune kuti tisungi marangu ghake, pamwenga ŵakwenda nge tiliya pa maso pa Ambuya ŵa maŵanja?

Mateyu 12:36

Kweni ndikuneniyani, kuti pa mazu ghose ghawaka gho wangakamba ŵanthu, ŵazamukughakamba mu zuŵa la cheruzgu.

Luka 8:13

Ndipo zo zapa jarawe ndi wo penipo ŵavwa ŵaronde mazu ndi chimwemwe; ndipo ŵeniwo ŵalive nkhorozo, wo kwa kanyengo ŵavwana, ndi mu nyengo ya kesedu ŵadezukako.

Yakobe 3:5

Viyo lilime nalo nkhachiŵaru kamanavi ndipo lijithamiya ukongwa. Awonani moto umanaviweni nawo utocha lisuwa likuru!

2 Petro 2:8

(chifukwa murunji mweniyo wachija mukati mwawo, pakuwona ndi pakuvwa, zuŵa ndi zuŵa wasuzganga mzimu wake urunji, ndi nchitu zawo zambura dangu).

Chivumbuzi 13:5

Ungupaskika ku chikoku cho mlomo wakurongoro vinthu vikuru ndi vyakutuka; chingupaskika mazaza kurongoro ivi kwamyezi machumi ghanayi ndi yiŵi.