Hoseya 5:3 - Tonga Bible 1986

³ Ndimziŵa Efraimu, ndi Yisraele kuti ngwakubisika cha kwaku ine; pakuti sono iwe Efraimu, wachita ureŵi.

Hoseya 5:3 ပူးပေါင်းရင်းမြစ်များ

Yesaya 7:16

Pakuti mwana yo wenga wandiziŵe kukana uheni ndi kusankha umampha, charu cho cha ŵakaronga ŵaŵi wo utopa chikajoworekanga.

Yesaya 7:17

Ambuya akatolenga paku iwe ndi pa ŵanthu ŵako ndi pa nyumba ya ausu mazuŵa ghakuti ghalivi kuzapo kale kwamba penipo Efraimu wangutuliyako kwaku Yuda pa kuza ndi karonga wa Asiriya.”

Yesaya 7:5

Chifukwa Siriya, pamoza ndi Efraimu ndi mwana waku Remaliya, ŵapanga fuzi yiheni paku imwe, kuti,

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”

Hoseya 12:1

Efraimu wakhwema mphepo; wandondoloska mphepo yaku vuma zuŵa lose, watandaniska mautesi ndi nkhaza; wapangana phanganu la maronda ndi Asiriya, ndipo mafuta ghapingikiya ku Egipiti.

Hoseya 13:1

Po Efraimu wangukamba, ŵanthu ŵangutenthema; wangukuzgika mu Yisraele; kweni wangwananga chifukwa chaku Bala ndi wangufwa.

Hoseya 13:5

Ndenga ine yo wangukuziŵani mu mapopa, mu charu cha chilala.

Hoseya 5:11

Efraimu wasuzgika ndi kupwetekeka mu cheruzgu, chifukwa wanguŵika mtima wake pa vyaŵakaŵaka.

Hoseya 5:13

Po Efraimu wanguwona utenda wake, ndi Yuda wanguwona chironda chake, Efraimu wanguruta ku Asiriya ndi kutuma mazu ku karonga mkuru. Kweni iyo kuti waziŵa kumuchizgani cha pamwenga kuchizga chironda chinu.

Hoseya 5:9

Efraimu wasandukenge mahame mu zuŵa lakurangika kwake; ndiziŵiska mafumu gha ŵaYisraele cho chikaŵangako nadi mukati mwawo.

Hoseya 6:10

Mu nyumba yaku Yisraele, ndawona chinthu chakuziziswa; ureŵi waku Efraimu ulimo, ndipo Yisraele wakazuzgika.

Hoseya 6:4

Kumbi ndichitenji kwaku iwe, Efraimu? Kumbi ndichitenje kwaku iwe Yuda? Chanju chinu che nge ndi mtambo wa mlenji; ndi nge ndi dungwi lo likamuka ruŵi.

Hoseya 8:11

Chifukwa Efraimu wandaniska majochero ghakwanangiyapo, kwaku iyo ghaŵa majochero ghakwanangiyapo.

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.

Amosi 5:12

Chifukwa ndiziŵa unandi wamaulakwi ghinu ndi ukuru wa mphuru-puru zinu; imwe musuzga ŵarunji, imwe muronde vinda, ndi kupatuska ŵakavu mu likomo.

Marangu 33:17

Nkhuzi yake ya umwali yendi uchiyembwe. Masengwe ghake ndi masengwe gha njati, ndi ghenagha wakafwenkhuliyanga ŵanthu wose, kwachifika ku vigoti vya charu chapasi. Viyo ndimo ŵalili vikwi chumi (10,000) ŵaku Efraimu, ndimo so ŵalili vikwi chumi (10,000) ŵaku Manase.”

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Chivumbuzi 3:15

“ ‘Ndiziŵa nchitu zako, kuti iwe we wakuzizira pamwenga wakocha cha: mphanyi wenga wakuzizira, pamwenga wakocha.