Hoseya 5:13 - Tonga Bible 1986

¹³ Po Efraimu wanguwona utenda wake, ndi Yuda wanguwona chironda chake, Efraimu wanguruta ku Asiriya ndi kutuma mazu ku karonga mkuru. Kweni iyo kuti waziŵa kumuchizgani cha pamwenga kuchizga chironda chinu.

Hoseya 5:13 ပူးပေါင်းရင်းမြစ်များ

2 ŴaKaronga 15:19

Puli karonga wa Asiriya wanguza kuzachirwa ndi charu cho, ndipo Menahemu wangupaska Puli matalente gha siliva chikwi chimoza, alinga kuti wamovye kukhozga kuŵa ndi nthazi ya ukaronga.

2 ŴaKaronga 15:29

Mu mazuŵa ghaku Peka karonga waku Yisraele Tiglatipileseri karonga wa Asiriya wanguza ndi wangukwamphuwa Ijoni, Abelbebmaka, Janowa, Kedeshi, Hazoro, Gileada, ndi Galileya, charu chose chaku Naftali, ndipo wanguyola ŵanthu umkoli ku Asiriya.

2 ŴaKaronga 16:7

Viyo Ahazi wangutuma mathenga kwaku Tiglati-pileseri karonga wa Asiriya, kuti, “Nde mteŵeti wako ndi mwana wako munthurumi. Ukwere kuno kuzachindipozomoska ku janja la karonga wa Siriya ndi ku janja la karonga wa Yisraele wo ŵalimbana nane.”

Yesaya 3:7

mu zuŵa liya wakarongoronga pakweru, kuti: “Kuti ndikaŵanga wakuchizga cha; mu nyumba yangu mulivi chiŵande pamwenga chirundu; kuti undichitenge ine kuŵa murongozgi wa ŵanthu cha.”

Yeremiya 30:12

“Pakuti viyo atiti Ambuya: Kulasika kwako nkhwambura mapoleka, ndipo bala lako ndaurwirwi.

Ezekiele 23:5

“Ohola wanguchita ureŵi po wenga weche wangu; ndipo wangujipereka ku mabwezi ghake Asiriya,

Hoseya 10:6

Inya, chikozgu chitolekiyenge ku Asiriya, kuŵa munthulu ku karonga mukuru. Efraimu walengeskekenge, ndipo Yisraele walengenge soni chifukwa cha ngoza wake.

Hoseya 12:1

Efraimu wakhwema mphepo; wandondoloska mphepo yaku vuma zuŵa lose, watandaniska mautesi ndi nkhaza; wapangana phanganu la maronda ndi Asiriya, ndipo mafuta ghapingikiya ku Egipiti.

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Hoseya 2:7

Warondonge ŵakumwanja ŵake, kweni kuti waŵasaniyenge cha, ndipo wakaŵapenjanga, kweni kuti wakaŵasaniyanga cha. Ndipo wakambenge kuti, ‘Nkharutanga ndi kuweriyana ndi murumi wangu wakudanga, chifukwa kwenga kwamampha kwaku ine kuruska mo ndiliri sono.’

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.

Hoseya 8:9

Pakuti ŵakwere ku Asiriya nge ndi mbunda yamu dondo yakuyinga yija; Efraimu walembera ŵakwanjiwa ŵake.

Mika 1:9

Chifukwa chironda chake nchambura machizgika; ndipo chaza kwaku Yuda, chafika ku likomo la ŵanthu ŵangu, ku Yerusalemu.