Hoseya 4:7 - Tonga Bible 1986

⁷ Kwakulingana nge ndimo ŵangwandaniyana ukongwa, ndimu so ŵangundilakwiya; ndisinthenge unkhankhu wawo kuŵa soni.

Hoseya 4:7 ပူးပေါင်းရင်းမြစ်များ

Ezra 9:7

Kutuwa ku mazuŵa gha ŵambuyafwe taja mu ubudi ukuru kufika zuŵa linu; ndipo chifukwa cha uheni widu, ifwe, ndi ŵakaronga ŵidu, ndi ŵazukuru ŵidu, taperekeka mu manja gha ŵakaronga ŵa vyaru vinyake, ndi ku lipanga ndi ku umkoli, ndi kukuskoŵeka, ndi kujirengeska taŵeni mo kwaŵiya msana wale.

Hoseya 10:1

Yisraele ndi mphereska yakukuwa umampha, yo yipasa vipasi vyake. Mo waliri ndi vipasi vinandi ndimo wazenge majochero ghanandi; mo charu chake chiŵiya chamampha, ndimo wachitiya vikozgo vyamampha.

Hoseya 10:6

Inya, chikozgu chitolekiyenge ku Asiriya, kuŵa munthulu ku karonga mukuru. Efraimu walengeskekenge, ndipo Yisraele walengenge soni chifukwa cha ngoza wake.

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

Hoseya 13:6

Kweni po ŵangurgha ukongwa, ŵanguguta, ndipo mtima wawo ungujitukumuwa; chifukwa ichi ŵangundiruwa.

Hoseya 4:10

Warghenge kweni kuti ŵagutenge cha; ŵachitenge ureŵi kweni kuti ŵandanenge cha; chifukwa ŵareka kuphwere Ambuya mwakuti ŵaŵika mitima yawo pa ureŵi.

Hoseya 5:1

Vwani ichi, mwa ŵazukuru! Vwiyani, mwa ŵanyumba yaku Yisraele! Vwiyani, mwa ŵanyumba ya karonga! Chifukwa cheruzgu nchinu; pakuti mwenga chiŵana pa Mizipa, ndi ukonde wakupong'eka pa Taboro.

Hoseya 6:9

Nge ndimo ŵankhungu ŵakhazgiya munthu, ndimo so ŵazukuru nawo wawungirana pamoza; ŵabaya mu nthowa yakurata ku Shekemu, inya ŵarutiriya kuchita uheni.

Hoseya 9:11

Unkhankhu waku Efraimu uphururukiyenge kutali nge nkhayuni, kuŵengevi kubala nthumbu, ndi kuŵengevi kuzuuka!

Habakuku 2:16

Wamukoreka ndi suzgu kwakuruska thumbiku. Mwanga nawi ndi yenda kwakuzendazenda! Chandi mu janja lamarghe la Ambuya chikazanga kwako, ndipo soni ziŵenge pa thumbiku la wo.

Malaki 2:9

viyo ndimusanduskeninga kuŵa ŵakunyozeka, ndi ŵakuyuyulika pa maso pa ŵanthu wose, kwakuyana nge ndimo mwareke kusungiya nthowa zangu, kweni mwapenevya mu chisambizgu chinu.”

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

ŴaFilipi 3:19

Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi.

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.