Hoseya 4:13 - Tonga Bible 1986

¹³ Ŵapereka sembe pachanya pa mapiri, ndi ŵapereka mipasku pa tumapiri, musi mu miti ya kankhandi, ndi mkongwe, ndi mtaŵa chifukwa miduzi yawo njamampha. Chifukwa ichi ŵana ŵinu ŵanthukazi ŵachita ureŵi, ndi awoli ŵinu nawo ŵachita ureŵi.

Hoseya 4:13 ပူးပေါင်းရင်းမြစ်များ

2 ŴaKaronga 17:7

Ichi chinguŵadi viyo chifukwa ŵaYisraele ŵangulakwiya Ambuya Chiuta wawo, yo wanguza nawo kutuwa mu Egipiti kusi ku janja laku Farao karonga wa Egipiti, ndipo ŵangopa ŵachiuta ŵanyake,

2 ŴaKaronga 23:7

Wangubwanganduliya pasi nyumba za ŵakusopa ŵareŵi zo senga mu nyumba ya Ambuya, mwenimo ŵanthukazi ŵarukanga vyakuchinga vyaku Ashera.

Yesaya 1:29

Pakuti mulengengi soni ndi miti ya mkundi mwaku yo mungukondwere; ndipo mukayangazukanga chifukwa cha minda yo mukusankha.

Yesaya 57:5

imwe mukore ndi malikhumbira mukati mu miti musina mu muti wose uŵisi; imwe mubaya ŵana ŵinu mu madambo, kusi ku malijengwajengwa gha majarawe?

Yesaya 57:7

Pa phiri litali ndi lakusonthoka mwaŵikapo chita chinu, kwenikuwa munguyako kwachipereka sembe.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Yeremiya 3:13

Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.

Yeremiya 3:6

Ambuya anguti kwaku ine, mu mazuŵa ghaku Josiya: “Kumbi wawona chenicho wanguchita Yisraele, wambura magomekezgeka, mwenimo wangukwere pa mapiri ghose ghatali, mo wangujariya pasi musina mu muti wose uŵisi, ndi mwenimu wanguchita ureŵi?

Yeremiya 44:8

Chifukwa chine mutindisosomole ku kukwiya ndi nchitu za manja ghinu, koche vyachema ŵachiuta ŵanyake mu charu cha Egipiti kweniko mwaza kuzachija, kuti mudumulikeko ndi kusanduka thembo ndi kawerere mu mitundu yose ya charu chapasi?

Ezekiele 16:16

Unguto ghanyake gha maraya ghako, ungutozge nyumba za ŵakavuŵa, mwenimo ndimo wachitiyanga ureŵi; weniwo kuti ukuchitikiyapo cha kalikose, ndipo kuti ukachitikiyangapo so cha.

Ezekiele 16:25

pa mphambano ya gurwi we yose ukuzengapo malo gha pachanya ndi kufipiska utozi wako, kujisaska iwe wamweni kwaku yose yo wajumphapo, ndipo wandaniska ureŵi wako.

Ezekiele 6:13

Ndipo mukaziŵanga kuti ine ndine Ambuya, po ŵakubayika ŵawo ŵagona mukati mu ŵangoza ŵawo, mu majochero ghawo zingirizgi, pa mtunthu we wose, pachanya pa mapiri ghose, musina mu muti wose uŵisi, musina mu muti wose ukuru wa kankhande, penipo pose ŵapereka vya fungu lamampha ku ŵangoza ŵawo wose.

Hoseya 10:8

Malo gha pachanya ghaku Avene, ndi kwananga kwaku Yisraele, vyose vimarenge. Minya ndi nthula vikamenga pa majochero ghawo; ndipo ŵakatinge ku mapiri, “Wiyani paku ifwe”; ndi mitunthu, “Tivunikiriyeni.”

Hoseya 11:2

Mo ndinguŵadaniya, ndimu so ŵangutuwiyako kwaku ine; ŵangurutiriya kupereka sembe ku ŵaBala, ndi kuŵawoche vyakununkhira ŵangoza.

Hoseya 2:13

Ndipo ndimurangenge chifukwa cha mazuŵa gha madghera gha ŵaBala mwaku gho wawochanga vyakununkhira kwaku iwo, ndi wanguvwala mphete ndi vyakugalarika vyake, wangurondo ŵakumwanja ŵake, ndi wangundiruwa ine, atiti Ambuya.

Amosi 7:17

Viyo mu chifukwa ichi atiti Ambuya: ‘Muwoli wako waŵenge mureŵi mu msumba, ndipo ŵana ŵako ŵanthurumi ndi ŵana ŵako ŵanthukazi ŵakabayikanga ndilipanga, ndi charu chako chamugaŵika ndi chipimo cha chingwe, ndipo wamweni wamufwiya mu charu cha ukazuzi; ndipo Yisraele wakarutanga nadi ku uŵanda kutali ndi charu chake!’ ”