Hoseya 4:12 - Tonga Bible 1986

¹² Ŵanthu ŵangu ŵafumba fundu ku chimuti, ndipo ndodo yawo yitiŵakonkhoske. Chifukwa mzimu wa ureŵi waŵarandizga, ndipo ŵareka Chiuta wawo chifukwa ŵakhumba kuchita ureŵi.

Hoseya 4:12 ပူးပေါင်းရင်းမြစ်များ

2 ŴaKaronga 17:7

Ichi chinguŵadi viyo chifukwa ŵaYisraele ŵangulakwiya Ambuya Chiuta wawo, yo wanguza nawo kutuwa mu Egipiti kusi ku janja laku Farao karonga wa Egipiti, ndipo ŵangopa ŵachiuta ŵanyake,

2 Mikoka 21:13

kweni wenda mu nthowa za ŵakaronga ŵaku Yisraele, ndipo wa chitiska Yuda ndi ŵakuja mu Yerusalemu uheni kuyana ndi ureŵi wa nyumba yaku Ahabu, ndipo so wakoso ŵabali ŵako ŵamu nyumba ya ausu wo ŵenga wamampha kuruska iwe;

Sumu 106:39

Ŵangujikazuzga ndimachitiru ghawo, ndipo kwaku Chiuta ŵenga ŵambura magomezgeka.

Sumu 73:27

Chifukwa awonani, wose wo wapata imwe ŵakafwanga, ndipo mukaparghang'anga wose wo ŵalivi chigomekezgu mwaku imwe.

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

Yeremiya 2:27

Weniwo ŵatiti ku muti, ‘Ndiwe ada,’ ndi ku mwa, ‘Ndiwe ungundibala.’ Pakuti ŵang'anamuliya msana wawo kwangu, chisku chawo cha. Kweni mu nyengo ya suzgu yawo, ŵatiti, ‘Sokani mutitaske!’

Yeremiya 23:13

Mu ŵamchimi ŵamu Samaria ndinguwonamo chinthu chakupusa: ŵachimiyanga mwaku Bala, ndipo ŵangurandizga ŵanthu ŵangu ŵaYisraele.

Ezekiele 20:32

“Cho chemu mtima winu kuti chikaŵangako cha pa kughanaghana kuti, ‘Tiŵe nge ndi mitundu, nge ndi mafuku gha vyaru, tisopenge muti ndi mwa.’

Ezekiele 21:21

Pakuti karonga waku Babiloni wama pa mphatukano za nthowa, pa mutu wa nthowa ziŵi, kuti wawombeze; wasukuniska mivwi, wafumba ŵangoza, walereska pa mphafwa.

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Hoseya 5:4

Nchitu zawo kuti ziwazomerezga cha kuwere kwaku Chiuta wawo. Chifukwa mzimum waureŵi we mukati mwawo, ndipo ŵalivi kuŵaziŵa Ambuya.

Hoseya 6:10

Mu nyumba yaku Yisraele, ndawona chinthu chakuziziswa; ureŵi waku Efraimu ulimo, ndipo Yisraele wakazuzgika.

Hoseya 9:1

Ungasakeriyanga cha, Yisraele! Ungajikuzgana nge mba mitundu chifukwa wachita ureŵi, pakusiya Chiuta wako. Wanja mphoto ya munthukazi mureŵi pa chitanthali chose cha trigu.

ŴaLevi 17:7

Viyo kuti ŵakabayiyanga so sembe zawo ku vikozgu cha, kwaku vyo ŵagarukiyako. Ili likaŵanga langulu muyaya kwaku wo mu migonezi yawo yose.

ŴaLevi 20:5

iku ine ndikarwananga ndi munthu yo ndi ŵamu nyumba yake. Ndikamudumuwangako ku ŵanthu ŵake, munthu yo ndi wose ŵakumurondo pakuchita ureŵi ndi Moleke.

Mika 2:11

Asani munthu wangenda ndi mtima wakupusika ndi kukamba utesi, ndi kuti, “Nkhataulanga kwaku iwe ndiza vinyo ndiso ndi vyakumwa vyakuloŵeleska,” ndiyo wangaŵa wakutaula wa ŵanthu yaŵa!

Habakuku 2:19

Soka kwaku yo wanena ku chimuti chakusemeka, Yuka; ndi ku mwa wambuwu Ima! Kumbi ichi chingapereka uvumbuzi? Wona, nchakumatika ndi golide ndi siliva, mulivi muvuchi mukati chingana nkhamana.

Maŵerengedu 15:39

mphonje yikakukumbuskaninga marangu ghose gha Ambuya, kuti mughavwe pa mukayidaŵiranga, mureke kupenja vyamu mtima ndi vyamu maso ghinu, vyo mwaziŵiriya kuvirondo ndi kuzerezeka navyo.

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

Ŵeruzgi 18:5

Ndipo iwo ŵangunena nayo, “Fumba kwaku Chiuta titukupempha, kuti tiziŵe vinu ulendo uwu tasoka ukaŵanga wakusakata.”